享慢煮泰 (已結業)

今日去咗西环嘅呢间享慢煮泰 系专食fusion泰国菜嘅餐厅 朋友之前食过十分推荐 于是就今日嚟食个 lunch啦午餐时间嚟到人都几多 不过就算坐满地方都好阔落 装修够晒格调同食fine dining无分别叫咗个set lunch 虽然前菜同甜品都要加钱 不过已经包咗饮品 价钱几抵食招牌流心龙虾汤牛角包 牛角包焗得松脆 上面仲有芝士 一切开浓郁嘅龙虾汤已经爆晒出嚟马沙文咖哩牛面肉 咖哩口味非常浓郁有轻微嘅沙嗲味 仲有粒粒花生喺酱汁入面 非常惹味 和牛分量都几多 炆得又淋又入味 仲有阵阵胶质融化喺口腔 超正招牌流心布拉塔芝士沙律 劲大旧布拉塔芝士 一切开仲系流心嘅状态 芝士味道虽然唔浓郁 不过奶香十足 配埋下面嘅新鲜车厘茄仔一齐食 非常清新上面有烧猪腩肉同埋烧猪颈肉 好大阵香茅味腌料非常入味 猪肉层次分明肥瘦适中 超正 下面系用番薯做嘅酱汁 甜甜地可以中和猪腩肉嘅肥腻感泰式奶茶牛角包同龙虾汤牛角包用嘅包系一样嘅 但系个馅就系香甜幼滑嘅泰式奶茶 香脆嘅酥皮吸收咗香滑奶茶嘅甜味 令到成个包都甜入心呀