Iberians (已結業)

店面非常隐蔽，如果唔系特登揾都揾唔到，识食先至会特登嚟揾隐世餐厅😂连餐具都很吸引，色彩缤纷，带有西班牙嘅特色👍🏻Sangria Red~非常钟意西班牙嘅果酒，粒粒果肉吸收左酒嘅独特香气，别具一番风味👍🏻香辣蒜香橄榄油大虾～餐前小食呢个绝对系唔错嘅选择，微辣可以开胃，虾亦非常大只同弹牙，同时贴心地脱了壳，可以食得非常优雅🤭水牛芝士沙律~沙律汁味道非常到位，配搭到唔同嘅菜类，而水牛芝士份量亦都非常多，配上沙律菜食，绝对系绝配😁加泰隆尼亚蕃茄面包～最钟意上枱后依然微暖嘅面包，配搭著黄椒、青椒⋯⋯等腌制物，正正系西班牙嘅风味🤗蟹肉蟹膏阔条面~蟹既鲜味非常浓郁, 搭配左一只温泉蛋，蛋浆令阔条面更加creamy，面嘅质地亦系恰到好处，确系惹人喜爱❤️安格斯牛小排～牛小排已经系非常松化，搭配浓厚酱汁同香滑嘅薯蓉，几种滋味融入口中，齿颊留香😋以丰盛嘅晚餐而言，呢个价钱绝对抵食，而且质量高，环境亦都坐得舒适，不知不觉消磨左几个小时，非常享受😎