影片
更多
2017-04-03
1360 浏览
依家西班牙小食（Tapas）可谓无处不在，唔再局限晌西班牙餐厅，有见过连欧陆小店都加插此类小食，早前，从食友嘅食评就见到连酒吧都有卖西班牙小食，仲话做得有水准，而且，位处太子，算几近又方便，所以，拉埋住晌深水埗嘅表哥一齐嚟扭开「第三频道」窥探一下。其实，晌十多年前已有唔少酒吧聚集晌太子近旺角警署周边，可能贪佢够皇气，谂住相对少啲人搞事啩。不过，印象中𠮶时啲酒吧都喺杂啲，只卖酒，啲嘢唔好食，但近年啲酒吧再唔喺「无啖好食」，之前亦曾光顾过一啲做菜有水准嘅酒吧餐厅。叫得酒吧餐厅，格局就梗喺以酒吧为设定啦，幽暗嘅环境，节拍强劲嘅音乐，高脚枱櫈，都喺指定嘅标签，整体气氛唔错。餐厅尾墙上仲有大型投射器屏幕，不断播放音乐短片。墨西哥粟米片小食 $35甫坐低，侍应先送上脆口嘅粟米片，伴有自家调制嘅香草酸忌廉，一边食，就一边度吓点咩菜。翻翻餐牌，由于环境确实昏暗，餐牌影出嚟嘅效果麻麻，所以，今次就无整体餐牌俾大家当参考，只有个别菜名相。而菜式选择，主要分为沙律、西班牙小食、薄饼、主菜。另一个饮品餐牌，罗列各种酒精及非酒精类饮品，好老实，表哥都极少蒲吧，佢亦唔喺好饮得，所以，推介佢试试啲非酒精鸡尾酒。Vi
其实，晌十多年前已有唔少酒吧聚集晌太子近旺角警署周边，可能贪佢够皇气，谂住相对少啲人搞事啩。不过，印象中𠮶时啲酒吧都喺杂啲，只卖酒，啲嘢唔好食，但近年啲酒吧再唔喺「无啖好食」，之前亦曾光顾过一啲做菜有水准嘅酒吧餐厅。
叫得酒吧餐厅，格局就梗喺以酒吧为设定啦，幽暗嘅环境，节拍强劲嘅音乐，高脚枱櫈，都喺指定嘅标签，整体气氛唔错。
餐厅尾墙上仲有大型投射器屏幕，不断播放音乐短片。
墨西哥粟米片小食 $35甫坐低，侍应先送上脆口嘅粟米片，伴有自家调制嘅香草酸忌廉，一边食，就一边度吓点咩菜。
翻翻餐牌，由于环境确实昏暗，餐牌影出嚟嘅效果麻麻，所以，今次就无整体餐牌俾大家当参考，只有个别菜名相。而菜式选择，主要分为沙律、西班牙小食、薄饼、主菜。
另一个饮品餐牌，罗列各种酒精及非酒精类饮品，好老实，表哥都极少蒲吧，佢亦唔喺好饮得，所以，推介佢试试啲非酒精鸡尾酒。
Virgin Mojato $68因为一阵都会食啲炸嘢、重口味嘢，所以，介绍佢饮依杯Virgin Mojato，因为以苹果汁、糖浆、青柠汁、姜味汽水沟成，再加入薄荷叶，清凉之余，仲带微微姜味，好啱配今晚所点嘅菜式。
Charm Around $68小弟喺芒果粉丝，故自自然然点咗以芒果、苹果汁、糖浆、红石榴糖水打成嘅Charm Around，入口芒果味都几浓郁，虽然加入两款糖水，但唔会甜得太漏。
餐厅中央位置唔止喺吧位，吧位后更喺开放式厨房，厨师人手非常足，远距离睇住佢哋做菜，不断煮菜、上碟，甚有团队队形。
古罗马凯撒沙律 $68同依个大表哥都几夹、几倾得埋，大家都喺食肉兽，故今晚所点嘅菜式主要都喺肉，所以，先嚟一道沙律平衡吓。凯撒沙律可选配香草鸡肉或烟三文鱼，喺好传统做法，酱汁拌匀爽脆冰凉嘅罗马生菜，配上烟肉碎，撒上芝士粉，烟三文鱼咸香油份足。
脆炸树皮配松露 $62初时被佢个菜名吸引到，究竟咩喺炸树皮呢？睇菜牌嘅英文喺菇菌嚟，再问问侍应，原来喺将啲菇菌刨成薄片再酥炸，出嚟嘅效果真喺有几分幼身嘅树皮，配上幽香嘅松露，啲「树皮」香脆到不得了，真喺一片接一片喺咁食，唯略嫌油咗少少。此外，咪以为成兜满晒，其实下面垫有少少沙律菜。
脆炸树皮配松露
$62
30 浏览
1 赞好
0 留言
真不愧为招牌菜式，印象中预计喺一件件乳猪仔，但估唔到配搭见心思，以百吉包垫底，加上青瓜片、乳猪件、车厘茄，一来味道无咁单调，二来食落无咁油腻，而且，啲乳猪非常香脆。细心位更见啲百吉包烘过嚟，咬落脆口，又洒下少少香草发辣粉提升味道层次，值得推介嘅西班牙小食。
西班牙香烧乳猪仔
$72
23 浏览
1 赞好
0 留言
西班牙鸭肉春卷 $78试完款乳猪仔，实在好食，跟住再试试另一款Tapas新嘢「鸭肉春卷」，卖相够晒豪华，用个雪茄盒嚟上枱。一客有4条，春卷炸得香脆，入口一啲都唔油，内里塞满鸭肉，带点鸭酥香，点黑椒碎又得，沾沙律酱都得，Duck咗！
西班牙鸭肉春卷
$78
13 浏览
1 赞好
0 留言
主菜类我哋只拣一款，就喺依客招牌菜嘅牛面肉，不过，餐牌喺写$148，但出面铺面个牌就$138，希望店家更正吓，免发生误会。经过慢煮嘅牛面肉肉质非常软腍嫩滑，富肉香，底下仲垫有唔少茄子，不过，话个汁加入啤酒去煮，可能个汁都喺烧汁底，味道比较浓，小弟又唔喺太觉啲酱汁有好突出嘅啤酒味，但仍然觉得好衬个牛面肉。
西班牙啤酒烩慢煮牛面肉
$148
12 浏览
0 赞好
0 留言
地道墨西哥鸡肉卷 $72其实我都有9乘饱，但表哥极为欣赏佢哋啲菜式，再追加一客墨西哥鸡肉卷，原来佢未食过墨西哥嘢。个鸡卷卖相就无咩特别，但就揾咗个日式藤篮装住，有啲搞鬼。个墨西哥薄饼皮烟烟韧韧有咬口，鸡肉亦唔嚡，仲交足货，卷皮内好多鸡肉、沙律菜、灯笼椒……等等材料，非常有口富，虽然唔知个酱汁用咗咩，但带微微辣，极之惹味香浓。
揾好嘢食，都唔一定要睇电视啲咩美食频道，嚟到「第三西班牙小食频道」都一样可能揾到美食。所以，依家啲酒吧做菜嘅水准都唔可以小覤，往往有意外惊喜。
张贴
