影片
更多
2024-09-25
3955 浏览
家人一向钟意食潮州菜，但系潮州菜好多时食饭份量都好大，我哋人唔多，每次都唔系试到好多嘢。平时去西环食潮州菜，都系食尚兴，原来已经结业😟，于是就试下哩间。好在预先电话book位，餐厅好繁忙，无订位的话，就要等。到达𠮶阵，大约系7:15左右，已经满座😯餐厅唔难揾，喺地铁出口隔离，好方便。鹅肉片杂锦 (例牌) ($178)食潮州菜一定会叫一份杂锦卤水拼盘。贪佢咩都有啲，而且通常有齐想食嘅嘢😛除咗鹅片，底仲有红肠同豆腐。好入味，又唔会太咸。鹅片厚肉，唔会太肥，肉质好淋。脆皮糯米酿大肠 ($108)炸大肠以前细个食得多，但系酿大肠就第一次食，原来系传统潮州小食。将糯米、虾米、花生酿入大肠，然后拎去炸，炸到外皮脆口。印象中嘅炸大肠系系好香口，但一食落去就成口油。哩个同样系炸大肠，但食落一啲都唔油腻，似系煎多过炸。中间嘅糯米都煮得好香，调味岩岩好，食唔停口。蚝饼（一片） ($68)蚝饼都系必食嘅潮州菜式之一。蚝饼可以叫一片，每片有成1.5只手掌咁大，3个人分够哂食。蚝饼煎得好香，最紧要系唔油，干身脆口。啖啖都食到蚝，好足料。蚝仔粥 (一碗) ($58)食潮州菜，点可以唔系蚝仔粥😆我哋叫一碗3个人分，
平时去西环食潮州菜，都系食尚兴，原来已经结业😟，于是就试下哩间。
好在预先电话book位，餐厅好繁忙，无订位的话，就要等。
到达𠮶阵，大约系7:15左右，已经满座😯
餐厅唔难揾，喺地铁出口隔离，好方便。
鹅肉片杂锦 (例牌) ($178)
食潮州菜一定会叫一份杂锦卤水拼盘。
贪佢咩都有啲，而且通常有齐想食嘅嘢😛
除咗鹅片，底仲有红肠同豆腐。
好入味，又唔会太咸。
鹅片厚肉，唔会太肥，肉质好淋。
脆皮糯米酿大肠 ($108)
炸大肠以前细个食得多，但系酿大肠就第一次食，原来系传统潮州小食。
将糯米、虾米、花生酿入大肠，然后拎去炸，炸到外皮脆口。
印象中嘅炸大肠系系好香口，但一食落去就成口油。
哩个同样系炸大肠，但食落一啲都唔油腻，似系煎多过炸。
中间嘅糯米都煮得好香，调味岩岩好，食唔停口。
蚝饼（一片） ($68)
蚝饼都系必食嘅潮州菜式之一。
蚝饼可以叫一片，每片有成1.5只手掌咁大，3个人分够哂食。
蚝饼煎得好香，最紧要系唔油，干身脆口。
啖啖都食到蚝，好足料。
蚝仔粥 (一碗) ($58)
食潮州菜，点可以唔系蚝仔粥😆
我哋叫一碗3个人分，每人都食到一碗半。
每人食少少，个肚就可以留多啲空间食其他嘢🤪
蚝仔粒粒饱满，唔错。
白饭鱼煎蛋 ($118)
最后，叫咗个看似简单但多功夫嘅家常小菜，白饭鱼煎蛋。
白饭鱼只只都好大条，又厚身。
而且鱼嘅份量好多，同样足料。
蛋好干身，唔油，好好食。
清心丸绿荳爽 ($68)
甜品有几款传统潮州甜品可以拣，有反沙芋、羔烧四宝 (蕃薯、芋头、银杏、汤丸)、羔烧银杏汤丸同绿荳爽。
每样都想试，宜家唔系好多地方做🥹
但系眼阔肚窄，只可以拣一款，最后拣咗清心丸绿荳爽。
糖水有2-4位用、5-6位用、8-12位用。
我哋3个人，叫最少份量，每人食到一碗半，份量唔多唔少，岩岩好。
成个糖水好简单，就只有清心丸 同 绿荳。
糖水唔会好甜，清心丸烟韧，如果加埋马蹄，口感应该会丰富啲。
哩餐所有食物味道都好好，调味又唔会太重手。
计哂茶钱加一，每人大约$240，价钱唔贵。
每道菜都好足料，职员全部都好有礼貌。
唯一就系餐厅好繁忙，所以环境比较嘈。
餐厅逢星期一休息，想试的话，记得打电话订位😊
张贴
