芋圓一

营业中

休息中

最近我经过西环，发现咗一间来自台湾嘅甜品小店。一入眼佢俾人第一感觉就系好清新，好文青feel，同埋一种好轻松舒服嘅感觉。☺️甜品店分为上下两层，地下可以坐喺室外位置，可以感受吓初秋嘅凉快感觉。至于楼上就有人手嘅壁画设计，影相打卡都一流。😍多芒小丸子加桃胶首先小丸子呢啲份量十足，每粒都烟韧又滑嫩，好好咬口。至于主角芒果都非常新鲜，相当香甜。芒果同桃胶嘅结合仲好有惊喜，无论系味道同埋口感都相当配合。🤤椰汁海燕窝芋圆呢款甜品绝对系一个舖头嘅精心杰作，我自己都好推荐。椰汁滑溜嘅质感同芋圆的韧度出奇地结合，芋圆嘅咬口好好，绝对系令人地越咬越上瘾。海燕窝亦都唔单只系配角，每一啖都有浓郁嘅椰汁香甜味。😋食完呢间甜品屋，唔单止味觉嘅享受，更加系一种身心嘅满足，因为成个感觉都真系好似返咗台湾咁样。🤣绝对值得一试同支持嘅小店。