影片
更多
2022-02-12
278 浏览
食咗好多日外卖，趁周末过嚟坚尼地城逛逛，顺便发掘一下周边美食。行经厚和街，见到顺昌大厦地下新开咗间越南餐厅。细看门外餐牌，店舖主打越式汤粉，另外亦有小食、捞檬、沙律、越式米纸卷、菜类及饮品等供应。点咗个火车头汤粉 ($75)、咖喱鸡球煲跟蒜蓉包 ($93) 同 马拉盏炒通菜 ($32)。火车头汤粉嘅用料好丰富，一碗就已经有齐生牛肉、牛腩、牛丸、牛柏叶同鱿鱼，诚意十足。汤底热辣辣，入口充满牛骨嘅香气，味道鲜甜浓郁。生牛肉口感甚佳，脂肪少、不嚡不腻，入口嫩滑又无渣。牛腩软腍有肉味，牛丸味道亦不错，够晒 Juicy 弹牙。牛柏叶爽脆可口、而鱿鱼软韧度亦刚好，一咬就断。垫底嘅河粉水准亦不俗，入口薄而滑，带少少烟韧，而且最正就系食至最后仍然弹牙。另外客咖喱鸡球亦睇头十足，大大煲，上桌时仍热腾腾，香喷喷。鸡球份量不少，而且肉质都几嫩滑，大件得嚟又有肉地。咖喱汁嘅辣度亦刚好，浓稠香滑，用嚟配脆口嘅蒜蓉包食，简直系一绝。食完咁多肉，梗系要食返啲菜嚟平衡一下，碟通菜卖相唔错，入口爽脆嫩绿，再配上马拉盏嘅微咸，味道香香辣辣，非常滋味。凡 6pm 前惠顾任何汤粉或捞檬，可获配热饮一杯，有港式奶茶、柠茶、柠水
食咗好多日外卖，趁周末过嚟坚尼地城逛逛，顺便发掘一下周边美食。行经厚和街，见到顺昌大厦地下新开咗间越南餐厅。
细看门外餐牌，店舖主打越式汤粉，另外亦有小食、捞檬、沙律、越式米纸卷、菜类及饮品等供应。
点咗个火车头汤粉 ($75)、咖喱鸡球煲跟蒜蓉包 ($93) 同 马拉盏炒通菜 ($32)。
火车头汤粉嘅用料好丰富，一碗就已经有齐生牛肉、牛腩、牛丸、牛柏叶同鱿鱼，诚意十足。汤底热辣辣，入口充满牛骨嘅香气，味道鲜甜浓郁。
生牛肉口感甚佳，脂肪少、不嚡不腻，入口嫩滑又无渣。牛腩软腍有肉味，牛丸味道亦不错，够晒 Juicy 弹牙。牛柏叶爽脆可口、而鱿鱼软韧度亦刚好，一咬就断。
垫底嘅河粉水准亦不俗，入口薄而滑，带少少烟韧，而且最正就系食至最后仍然弹牙。
另外客咖喱鸡球亦睇头十足，大大煲，上桌时仍热腾腾，香喷喷。鸡球份量不少，而且肉质都几嫩滑，大件得嚟又有肉地。咖喱汁嘅辣度亦刚好，浓稠香滑，用嚟配脆口嘅蒜蓉包食，简直系一绝。
食完咁多肉，梗系要食返啲菜嚟平衡一下，碟通菜卖相唔错，入口爽脆嫩绿，再配上马拉盏嘅微咸，味道香香辣辣，非常滋味。
凡 6pm 前惠顾任何汤粉或捞檬，可获配热饮一杯，有港式奶茶、柠茶、柠水或西洋菜蜜可供选择，如果想转冻饮亦只需 +$3。
张贴
