楚撚記大排檔 (日富里百好大廈)

营业中

休息中

今日去咗位于香港大学站隔离嘅楚撚记，平时叫外卖就试得多，但系餐厅长期客满，今日早咗收工即刻去试下堂食。有啲分店会有自己嘅特色菜，好似西环呢一间就有蚝饼、霸王鸡、黑栢叶炒鸡肾花，我哋就叫咗地道港式煎蚝饼。蚝饼上面有块牌仔写住「请上台即食」，大家真系要跟足指示，蚝饼好大块好脆松，作为开胃小食或者送饭都一流，而且蚝仔好大粒，就咁食又或者点鱼露同埋豆瓣酱都好好食，不愧系分店限定。我哋仲叫咗啫啫唐生菜煲，唐生菜够翠绿，有虾酱味，仲落咗虾干同辣椒炒。见餐厅poster好吸引，我哋仲叫咗芝士琵琶豆腐，本身都担心会太腻，结果芝士嘅味道同豆腐出奇地夹，芝士味融合豆腐令佢食落去更加香滑，而豆腐入面仲有少少鲮鱼。配菜嘅西兰花点芝士都好适合。为咗降低罪恶感，我哋叫咗五花茶，清甜得嚟又清热，而且好大壶好抵饮。食到饱饱，原来餐厅仲有送清补凉做甜品，用料十足之余清清甜甜，令人感觉好满足。