Vie Won Won (已結業)

喺西环有一间名为「vie won won（鬼混）」嘅cafe，位置有少少唔起眼，但系其实好方便，由香港大学站行过去都只系需要2/3分钟。首先，佢哋嘅「龙虾沾面」，虽然名系叫沾面，但其实系比较似意粉嘅形态。面条系日式拉面嘅口感，配上龙虾汁，每一条面条都挂满龙虾汁，好似日式沾面咁，每一啖都好似饮紧龙虾汤咁，而且仲有半只龙虾。再嚟就系佢哋超有创意嘅甜品「迷幻蘑菇」，望落去好似一旧大嘅蘑菇咁！上面嘅红色菇叶部分系野莓味嘅雪糕，而下面嘅菇干部分则系芒果味。两款味道都好香浓，味道都好特别，两款嘅酸甜味都好浓，芒果就甜少少。除咗味道之外，呢个甜品亦都好适合打卡！饮品方面，佢哋嘅「Dirty」咖啡同「Coffee of the week - Bailey Coffee」都系一试难忘。Dirty嘅味道深邃，喝落好有层次，真系见到一层层嘅layer；而佢哋嘅coffee of the week 系 Bailey Coffee，所以呢杯咖啡有好浓嘅bailey味，酒味几香浓。除咗食物之外，呢度嘅环境都好舒服，可以拣室外或者楼上，都好舒适，装修好好，适合打卡。