Casa Cucina & Bar (已搬遷) 新店位置

一直都好想去casa cucina & bar试吓佢嘅意大利菜，最想试吓喺佢既手做意大利面，同埋去欣赏下佢三层高既西餐厅，今个星期六终于订好位，抽到时间去试吓。.🍚Seafood Soup呢个海鲜汤一饮非常令人惊讶，绝对有wow factor，海鲜味非常浓郁，海鲜有虎虾，蚬肉，鱿鱼，非常丰富，绝对值得点。.🍚 Octopus Carpaccio八爪鱼薄切，将佢哋冷藏凝固好，八爪鱼够新鲜，肉质非常鲜甜美味，配上basil aioli几清新合拍。.🍚Clams因为见到蚬肉好吸引，有另外点咗一份黎试下，蚬肉份量非常多，煮完蚬肉嘅汤汁非常鲜甜，冇海鲜汤咁浓，配埋面包食啱啱好。.🍚Seafood TagliatelleTagliatelle 系面积较宽的长面，有点像河粉，海鲜有大虾同埋鱿鱼，呢个意大利面配合番茄海鲜汁去煮，微酸而海鲜味重，好食。.🍚Duck Ragu Pappardelle 鸭肉特宽面味道浓郁，鸭肉煮得够入味，特宽面系面积较宽的长面，比 Tagliatelle 更宽，尝起来也有点像河粉，挂汁能力一流，将浓郁美味嘅酱汁完美配合一齐嚟食，出色。特宽面亦都煮得啱啱好，有蛋味，口感弹牙。