影片
更多
2017-10-22
1425 浏览
中秋过后，天气开始变得清凉，亦都系郊游既好时机。是日星期日，天气又好，一于同朋友两个入黎西贡行下。「一起果酱」都算出名，系尖沙咀同西贡各有分店，而西贡分店都相当有特色，带俾人好舒服既感觉。座位有分室外同室内，虽然天气清凉，坐室外都应该几舒服，不过为免俾等位既客人望住，我地都系选择坐室内。因为之前都去过尖沙咀分店好几次，所以都大约知道想食D咩。九宫格多士 餐厅叫「一起果酱」，黎到又点可以唔食果酱呢? 所以呢味「九宫格多士」系每次黎都必定会叫既。虽然食材只有多士同埋果酱，但系感觉非常特别，烘脆左既多士分开九小格，每格都有唔同味道既自家制果酱，每种里面都有D果肉粒，口感唔错，色彩缤纷，卖相都好吸引，就好似细个写毛笔字既九宫格咁。唯一美中不足既就系唔知果九种果酱分别系咩味，如果可以用张牛油纸托住块多 士，上面写住各种果酱既种类，就真系完美啦。果酱鸡翼 蜜糖鸡翼平时就食得多，但系果酱鸡翼都系第一次试。炸鸡翼外皮微脆，鸡肉嫩滑，上面涂满半溶既士多啤梨果酱，食既时候多左一份果酱既甜味，感觉好清新。Cream Tea Set Cream Tea 系英式茶点之一，将佢直译为中文，你可能以为系有cream
「一起果酱」都算出名，系尖沙咀同西贡各有分店，而西贡分店都相当有特色，带俾人好舒服既感觉。
座位有分室外同室内，虽然天气清凉，坐室外都应该几舒服，不过为免俾等位既客人望住，我地都系选择坐室内。
因为之前都去过尖沙咀分店好几次，所以都大约知道想食D咩。
九宫格多士
餐厅叫「一起果酱」，黎到又点可以唔食果酱呢? 所以呢味「九宫格多士」系每次黎都必定会叫既。虽然食材只有多士同埋果酱，但系感觉非常特别，烘脆左既多士分开九小格，每格都有唔同味道既自家制果酱，每种里面都有D果肉粒，口感唔错，色彩缤纷，卖相都好吸引，就好似细个写毛笔字既九宫格咁。唯一美中不足既就系唔知果九种果酱分别系咩味，如果可以用张牛油纸托住块多 士，上面写住各种果酱既种类，就真系完美啦。
果酱鸡翼
蜜糖鸡翼平时就食得多，但系果酱鸡翼都系第一次试。炸鸡翼外皮微脆，鸡肉嫩滑，上面涂满半溶既士多啤梨果酱，食既时候多左一份果酱既甜味，感觉好清新。
Cream Tea Set
Cream Tea 系英式茶点之一，将佢直译为中文，你可能以为系有cream 既茶，但其实佢系传统英式下午茶既组合之一，有英式松饼, clotted cream，果酱同埋茶一杯。
一个set共有3件松饼，外层焗到金黄色，每件一开二之后, 一边涂clotted cream，一边涂热带风情果酱，入口唔单止暖，仲相当松化添。
全天英式早餐
英式早餐有芝士炒蛋，烟肉，牛仔早餐肠，纽轮堡肠，扒蕃茄，炒蘑菇，焗豆，厚多士同芒果果酱，每样食物都有d, 的的骰骰，非常精致，值得一赞既系茄汁豆系热既，唔系好多地方会整返热俾你食。如果果酱可以另外装俾客人，佢地钟意落几多就几多，咁就更好啦。
特调果酱绿茶
绿茶味道淡，加埋丁香香橙味既果酱入口相当清新，适合喜欢清清地的朋友。
呢度环境休闲舒服，有多款口味果酱同小食供客人享用，份量虽然唔多，但配埋果茶，可以坐足个几钟，假日黎叹返下真系一种享受。
张贴
