自家麵

营业中

休息中

返工咁辛苦，放工当然要食餐好。但有时太攰，我会宁愿返去食个快饭就算。区内夜晚无咩好食，但呢间绝对系少数个人推介小店！话明系小店，环境当然唔算宽敞，不过胜在干净企理。除左汤底，可以拣埋面条粗幼度，唔想食面嘅重可以转米线。汤底则分为麻辣、酸辣、胡椒同清汤共4款。除左清汤未试过，其余3款都唔错，加上而家天气冻，胡椒都系一个唔错选择，汤底清甜得黎带有适量胡椒香味，非常驱寒暖胃。店员姨姨热情有礼貌，落单后好快就有得食~今晚羊肉虽然熟左少少，但肉质都细嫩，加上适中嘅羊膻味，好啱我口味。特别要赞佢地嘅手打面，每朝新鲜制作，入口爽口弹牙，我特别钟情佢地宽面嘅烟韧质感。汤底香浓，味精唔多，饮左1/2汤之后都唔会觉得口渴。份量好足，有时我食左2/3都已经够哂。区内人情味小店买少见少，感恩依然有佢。