影片
更多
2023-02-05
457 浏览
我哋呢次专登入嚟西贡嘅WM咖啡厅，因为佢哋有好靓嘅环境，同埋佢哋嘅branch自助餐够哂吸引。嚟到梗系要兜一圈睇吓有咩好食啦！首先吸引到我一定系佢哋冷盘刺身中嘅即开生蚝，啲蚝肉厚饱满，口感爽嫩，海水味较重，可以唔洗加调味都好好食。除咗蚝之外冷盘仲有嚟自加拿大嘅海螺、嚟自澳洲嘅蓝青口同埋冻虾，而刺身仲有三文鱼，吞拿鱼，希灵鱼等。样样都好新鲜，同埋refill嘅速度都几快。之后见到前菜同埋沙律区，佢哋有多款嘅特色沙律同埋前菜，分别有车厘茄，多款嘅沙律菜、各式嘅芝士、巴马火腿、水牛芝土番茄等，佢哋仲有我最钟意嘅德国薯仔沙律，薯仔沙律质感绵滑，沙律酱嘅比例啱啱好，令人忍唔住手咁拎咗好几次。下一站就到熟食热盘，一望就见到蜜汁烤德国烟火腿同埋澳洲西冷牛扒，呢两个必食，牛扒肉味浓郁，烧得啱啱好，所以食到嫩滑嘅口感，而火腿用咗蜜汁烤制，特别香甜，更能突出火腿嘅肉味。除咗呢两样佢哋仲提供多款嘅炸物同埋即炸嘅天妇罗，尤其鸡锤同鸡块，炸完仍然保留嫩滑嘅肉质同满满嘅肉汁，而天妇罗嘅炸衣够薄，亦炸得好香脆。其次仲有中式嘅老火汤、西式嘅忌廉汤、众多自助餐必备嘅粉面档等等。最后甜品同饮品，佢哋嘅甜品种类都算多，蛋糕
嚟到梗系要兜一圈睇吓有咩好食啦！首先吸引到我一定系佢哋冷盘刺身中嘅即开生蚝，啲蚝肉厚饱满，口感爽嫩，海水味较重，可以唔洗加调味都好好食。除咗蚝之外冷盘仲有嚟自加拿大嘅海螺、嚟自澳洲嘅蓝青口同埋冻虾，而刺身仲有三文鱼，吞拿鱼，希灵鱼等。样样都好新鲜，同埋refill嘅速度都几快。
之后见到前菜同埋沙律区，佢哋有多款嘅特色沙律同埋前菜，分别有车厘茄，多款嘅沙律菜、各式嘅芝士、巴马火腿、水牛芝土番茄等，佢哋仲有我最钟意嘅德国薯仔沙律，薯仔沙律质感绵滑，沙律酱嘅比例啱啱好，令人忍唔住手咁拎咗好几次。
下一站就到熟食热盘，一望就见到蜜汁烤德国烟火腿同埋澳洲西冷牛扒，呢两个必食，牛扒肉味浓郁，烧得啱啱好，所以食到嫩滑嘅口感，而火腿用咗蜜汁烤制，特别香甜，更能突出火腿嘅肉味。除咗呢两样佢哋仲提供多款嘅炸物同埋即炸嘅天妇罗，尤其鸡锤同鸡块，炸完仍然保留嫩滑嘅肉质同满满嘅肉汁，而天妇罗嘅炸衣够薄，亦炸得好香脆。其次仲有中式嘅老火汤、西式嘅忌廉汤、众多自助餐必备嘅粉面档等等。
最后甜品同饮品，佢哋嘅甜品种类都算多，蛋糕、布丁、奶冻、生果都一应俱全，大部分都系以迷你甜品为主，方便可以试多几款。佢哋呢度仲提供咗Haagen Diaz雪糕，有6款不同嘅口味。
饮品就提供咗咖啡、奶茶、柠茶同埋果汁。
张贴
