影片
更多
2014-03-11
4968 浏览
由学生时代已经去西贡食海鲜，以前都系帮衬全记，但系自从食过六福之后，每次嚟西贡都系去六福食！六福并冇海鲜鱼缸俾人拣海鲜，所以种类冇咁多，但系六福就系以食物水准嚟吸引同埋留住食客！食得多咗，有时会见到佢嘅老板老虎哥阿Sam，佢相当好人亦好好倾！每次去都一定会食海盐蒸鱼，多数都系食黄皮老虎班，今次都唔例外！如果唔系要食好滑嘅鱼，黄皮老虎班系好抵食嘅鱼，佢只系红瓜子班价钱6成左右！有个有趣嘅情况，就系佢哋上菜好似都有个既定次序，今次嘅次序亦一样，最先系椒盐鲜鱿，之后系油盐水花甲，跟住系海盐蒸黄皮老虎班，再嚟烧鸡，最后系竹笙菜心。饭后水果都系西瓜，不过每人最多都只得3块！有一样值得一提系佢餐前小食嘅炸菜，非常好食又开胃，次次都食晒！椒盐鲜鱿 – 各类椒盐都系六福嘅强项，好似椒盐豆腐，椒盐鲍鱼咁都做得好好。我自已比较偏好鲜鱿，不过就好睇𠮶时啲鱿鱼靓唔靓，点嘅时侯都会问问啲伙记！今次嘅椒盐仍然系高水准，鲜鱿亦唔错，只系有一两块差咗小小。有啲奇怪系今次完全冇鱿鱼头同须！油盐水花甲 – 花甲亦一样，要问吓伙记先决定叫唔叫，今次嘅花甲，虽然比我食过嘅最肥嘅细咗好多，但系就好好味又唔韧。不过今次系用姜而我
六福并冇海鲜鱼缸俾人拣海鲜，所以种类冇咁多，但系六福就系以食物水准嚟吸引同埋留住食客！
食得多咗，有时会见到佢嘅老板老虎哥阿Sam，佢相当好人亦好好倾！
每次去都一定会食海盐蒸鱼，多数都系食黄皮老虎班，今次都唔例外！如果唔系要食好滑嘅鱼，黄皮老虎班系好抵食嘅鱼，佢只系红瓜子班价钱6成左右！
有个有趣嘅情况，就系佢哋上菜好似都有个既定次序，今次嘅次序亦一样，最先系椒盐鲜鱿，之后系油盐水花甲，跟住系海盐蒸黄皮老虎班，再嚟烧鸡，最后系竹笙菜心。饭后水果都系西瓜，不过每人最多都只得3块！
有一样值得一提系佢餐前小食嘅炸菜，非常好食又开胃，次次都食晒！
椒盐鲜鱿 – 各类椒盐都系六福嘅强项，好似椒盐豆腐，椒盐鲍鱼咁都做得好好。我自已比较偏好鲜鱿，不过就好睇𠮶时啲鱿鱼靓唔靓，点嘅时侯都会问问啲伙记！今次嘅椒盐仍然系高水准，鲜鱿亦唔错，只系有一两块差咗小小。有啲奇怪系今次完全冇鱿鱼头同须！
油盐水花甲 – 花甲亦一样，要问吓伙记先决定叫唔叫，今次嘅花甲，虽然比我食过嘅最肥嘅细咗好多，但系就好好味又唔韧。不过今次系用姜而我就比较喜欢之前用胡椒！
海盐蒸黄皮老虎班 – 蒸鱼嘅鱼头我一般唔会食，但六福嘅鱼头我每次都食，有时成个都俾我一个人食晒，今次条鱼非常好食尤其系鱼咀𠮶部份，蒸得啱啱好，有小小粘骨但完全冇血水。
烧鸡 – 通常要订先至有，可以话系水准高而稳定嘅一道菜，可能系鸡嘅供应稳定，水准易控制！今次仍然系做得好好，不过上枱时就发觉比平时大咗好多，结果系啲肉就唔够嫩滑，但总括仍系好好食！
竹笙菜心 – 对唔住，我唔太喜欢食菜加上已经食得好饱，所以只食咗两条，冇乜意见！
张贴
