影片
更多
2022-10-25
185 浏览
难得weekend就想去远d，游吓车河，决定入西贡走一转。沿住海旁行，吹吓海风，蓝天白云真系好舒服。行行吓见到原来WM酒店喺呢度，仲见到佢果间超高楼底嘅餐厅望落好舒服，贯彻今日嘅渡假feel就喺度食lunch。Carbonara 一向系我食意粉嘅首选，拣左个烟熏烟肉，露荀，白菌蛋黄忌廉汁意粉($145)蛋黄酱嘅味最出，食到好香嘅蛋味；切厚粒烟肉甚有口感，咀嚼时，渗出嘅啖啖咸香令到原先嘅蛋黄酱意粉味道变得更浓。朋友系pizza 控，佢好快就决定要意大利辣肉肠＆mozzarella芝士薄饼($178) 辣肉肠比平时连锁薄饼店食开嘅更香更浓味，食唔到辣嘅我甚至会觉得太辣，但钟意食辣嘅朋友就话好好味，辣肉肠嘅咸香辣提升了整个pizza的味道。我较欣赏芝士嘅香，衬热食软软嘅芝士拉丝特别好食。薄饼其实都好食，软糯、有空气感、带面粉香，当食到薄饼边时才能纯粹地享受到薄饼嘅香。朋友2号就拣安格斯牛肉，枫叶浆烟肉&芝士汉堡伴沙律($155)超钟意食黑醋蜜糖沙律汁伴混嘅沙律，酸甜味道平衡，惊喜系有原条小酸瓜，搭配沙律菜食唔只增加了口感，酸味味更开胃。汉堡嘅包身系烘烤过，微微嘅香脆；而汉堡扒肉质唔错，几有嚼
Carbonara 一向系我食意粉嘅首选，拣左个烟熏烟肉，露荀，白菌蛋黄忌廉汁意粉($145)蛋黄酱嘅味最出，食到好香嘅蛋味；切厚粒烟肉甚有口感，咀嚼时，渗出嘅啖啖咸香令到原先嘅蛋黄酱意粉味道变得更浓。
朋友系pizza 控，佢好快就决定要意大利辣肉肠＆mozzarella芝士薄饼($178) 辣肉肠比平时连锁薄饼店食开嘅更香更浓味，食唔到辣嘅我甚至会觉得太辣，但钟意食辣嘅朋友就话好好味，辣肉肠嘅咸香辣提升了整个pizza的味道。我较欣赏芝士嘅香，衬热食软软嘅芝士拉丝特别好食。薄饼其实都好食，软糯、有空气感、带面粉香，当食到薄饼边时才能纯粹地享受到薄饼嘅香。
朋友2号就拣安格斯牛肉，枫叶浆烟肉&芝士汉堡伴沙律($155)超钟意食黑醋蜜糖沙律汁伴混嘅沙律，酸甜味道平衡，惊喜系有原条小酸瓜，搭配沙律菜食唔只增加了口感，酸味味更开胃。汉堡嘅包身系烘烤过，微微嘅香脆；而汉堡扒肉质唔错，几有嚼劲。
再加个小食炸鸡翼配蜜糖，是拉差酱&青瓜酸忌廉($88)鸡翼配蜜糖芥末酱较好食，是拉差酱似烧烤酱，酸甜味适中，衬鸡翼嘅软骨位食，特别惹味。
英国产品嘅樽装饮品($32)，味道无咩特别，但成份天然，不含人造糖，樽身好靓。
其实用餐中段已听到身后传嚟玩耍嬉笑声，问吓侍应，原来餐厅设有美式桌球、高尔夫球、仲有足球机、波子机，部份完全免费，部份系免费试玩一小段时间。呢个真系意外惊喜，下午时间烈日当空，正好喺度凉住冷气玩多阵。
呢度食物、环境本来已经好高分，加埋仲有免费玩乐，无论系情侣拍拖、朋友相聚、或者家庭聚会，我觉得呢度真系‘很酷’，起码今日同朋友就喺度渡过开心嘅假期。
张贴
