La Vista

想去Outlet行吓，又嫌东荟城𠮶边多人，反直有直接车到，带两老去食墨西哥餐。先嚟个超特级沙律居然材料有仙人掌🌵，但太多嘢都食唔出，食到有烤鸡、青瓜、甘笋、芒果、牛油果。只属一般，唔太出色。西班牙肠肉玉米片，好多肉碎，淋上芝士酱，有墨西哥辣椒，配酱有酸忌廉同牛油果，浓味中带点几清新，好味。慢煮手撕牛肉配香菜饭，似肉碎多于手撕嘅肉酱，走了辣，好香浓，调味刚好，用作捞饭好开胃。炸鱼柳墨西哥卷饼，有沙律菜、炸鱼柳，肉，醮莎莎酱食，馅料扎实唔会腻，四个人分享，啱啱好。最后食埋个墨式肉桂条甜品，即叫即制热辣辣，香香嘅肉桂味，加少许朱古力酱，外脆内软，完成这满足的一餐。不过坐窗边感觉好热，唔够冷气，边食边抹汗，有点扣分。