Salamat Cafe (已結業)

呢间西餐厅好耐之前嚟过食生日饭，我觉得呢度嘅西餐水平都不错。今日同朋友试咗呢度嘅午餐，原来都有一定嘅水准。午餐嘅餐牌有好多唔同嘅选择，有12款咁多，我同朋友都好肚饿，所以试咗呢度嘅重点推介。首先即系11号餐嘅香烧美国肯琼香料猪肉眼扒配烧菠萝同杂菜沙律，而另外个朋友好想食烧三文鱼所以，就叫咗另一个意大利饭。净系睇过卖相我都觉得呢个猪肉眼扒好吸引，超级厚身嘅猪扒！佢虽然烧咗好耐，但系肉质唔会太硬，而且食落去每一啖都好有猪肉味道，再加上𠮶块烧菠萝，真系好吸引。最后我哋每人叫咗杯水果芝士特饮，呢度嘅特饮都唔算太贵，而且佢嘅卖相非常吸引眼球，两杯都系少女嘅大爱！一杯蓝莓芝芝，而另一杯就系草莓芝芝。同朋友可以在此渡过一个欢乐且畅所欲言的下午。