影片
更多
2010-10-06
50 浏览
师傅同小玲老师都有好一段时间冇见, 终于早一星期前就约埋黎个大个唱, 而大个唱开始之前当然要填饱肚子先, 所以小玲老师就将呢个责任交左比师傅; 由于当时师傅身处旺角, 不过又谂唔到食咩好, 最后见到小玲老师后, 师傅先至谂到, 就提议食个怏靓正嘅西餐, 见小玲老师冇反对, 就咁决定啦!去到食店人亦唔算多, 唔使等就有位, 坐底一阵又唔够, 隔离又有卡位, 咁又未落单当然系第一时间走位啦! 坐底后师傅就同小玲老师讲, 呢间食店冇咩特别, 最特别系 “怏”! 小玲老师有少少半信半疑, 但呢样野好快得以证实! 话说大家睇左一阵就决定落单, 师傅就拣左铁板什扒餐配黑椒汁, 仲要跟饭, 而餐汤就拣左牛尾汤, 餐饮就拣左冻柠茶; 至于小玲老师就拣左铁板牛柳餐配黑椒汁, 当小玲老师讲完牛柳餐后, 伙计就问佢 “三, 五, 七, 九?” 小玲老师 “R”晒头, 于是师傅就话佢知系牛柳要几成熟, 点知小玲老师仲鬼马话要 “四成”, 而侍应亦答得妙话 “冇!”, 最后小玲老师要左五成配上罗宋汤, 热咖啡! 落完单后, 师傅忍唔住问左句系咪快呢? 小玲老师当然点晒头啦, 喺小玲老师点头嘅同时, 餐包同餐汤亦
去到食店人亦唔算多, 唔使等就有位, 坐底一阵又唔够, 隔离又有卡位, 咁又未落单当然系第一时间走位啦! 坐底后师傅就同小玲老师讲, 呢间食店冇咩特别, 最特别系 “怏”! 小玲老师有少少半信半疑, 但呢样野好快得以证实! 话说大家睇左一阵就决定落单, 师傅就拣左铁板什扒餐配黑椒汁, 仲要跟饭, 而餐汤就拣左牛尾汤, 餐饮就拣左冻柠茶; 至于小玲老师就拣左铁板牛柳餐配黑椒汁, 当小玲老师讲完牛柳餐后, 伙计就问佢 “三, 五, 七, 九?” 小玲老师 “R”晒头, 于是师傅就话佢知系牛柳要几成熟, 点知小玲老师仲鬼马话要 “四成”, 而侍应亦答得妙话 “冇!”, 最后小玲老师要左五成配上罗宋汤, 热咖啡!
落完单后, 师傅忍唔住问左句系咪快呢? 小玲老师当然点晒头啦, 喺小玲老师点头嘅同时, 餐包同餐汤亦同时登场, 速度真的非常之快呀! 于是师傅立即试下个餐包同餐汤, 餐包真的够晒松软, 加少少牛油特别芳香, 唯一要弹系唔热啰, 叮都冇叮过, 不过可能叮完就会好硬呀! 餐汤系牛尾汤, 味道普通, 唔会太浓或太咸, 但真系唔觉有牛尾, 不过其实一早都估到, 只系师傅贪过瘾啫! 饮完汤铁板餐登场, 什扒餐都算多野食, 有肠仔, 烟肉, 火腿扒, 牛扒, 猪扒同鸡扒, 伴碟仲有炸薯条同埋师傅嘅至爱杂豆!
先讲下个黑椒汁, 汁底够香够辣, 著实非常惹味, 掂呀; 至于什扒嘅肠仔同烟肉冇咩特别, 唔会过咸, 而火腿扒一块亦够厚身, 真系火腿扒而唔系火腿片, 口感一流; 至于牛扒够松够薄, 冇牛味系意料中事; 猪扒就麻麻, 原因系松肉粉落得太多喇, 味道不太讨好; 最后鸡扒肉物够松够滑, 非常好味; 伴碟嘅炸薯条够脆, 而杂豆就冇咩特别, 但师就好钟意喇! 由于小玲老师一早知道会食唔晒, 于是亦不左少少牛柳比师傅, 牛柳真的够松, 有少少牛味不过唔多, 但肯定比师傅的牛扒多好多, 加上真的煮至五成熟, 所以不错! 冻柠茶就一般啦, 纯粹解渴!
总括黎讲食物质可以, 服务都算合格, 环境唔算清静, 更加唔会有咩气氛啦, 价钱都相宜, 每个餐都系六十几蚊至七十几蚊, 实际价钱已经唔记得, 不过埋单每人唔使一旧, 有咁多野食都算抵食呀! 师傅都有好一段时间冇黎呢间食店, 偶然来一次感觉真的不错, 加上由坐底到食完都唔使四十五分钟, 绝对称得上快! 是次西餐厅快食系可以获得一个笑脸, 有机会师傅一定会再黎!
张贴
