Gathering (已結業)

今晚放工直入元朗食Gathering...一路都有元朗朋友介绍呢一间西餐厅，价钱唔贵，入开去系可以值得去试！位置唔算太近西铁站，但用google map search, 都好易揾到！打开餐牌睇，价钱的确抵食！可以升级做套餐，加$28就有是日餐汤或沙律加饮品！我地就叫咗个四重芝士薄饼，同黑松露野菌意大利饭升级做套餐，然后点左一个野菌炒杂菇，啤酒脆酱炸日本广岛蚝，同埋意式炸饭波！四重芝士薄饼，劲浓芝士味，而且佢有一种芝士系羊奶，点餐时店员会问怕唔怕膻味，我就当然唔怕，而朋友食落其实系接受到嘅，大家都可以试下！至于个黑松露饭当然要大力推荐，好重黑松露味，而且好creamy, 份量亦唔少！另外啲小食都唔错，野菌炒杂菇好香牛油味，日本炸蚝亦好大只肥美，炸完唔会好干身，入面都好juicy！意式炸饭波初时唔知系乜，叫嚟试下，原来系外面应该系面包糠炸到好脆，入面包住啲意大利饭，口感几得意，而且入面啲饭仲好湿，唔错！食咗咁多嘢，饮品仲升级咗都系每人二百几蚊度，而且真系超乎预期咁好味！