春天 (已結業)

这天早放工去睇医生, 以为早 D 诊所就无咁多人啦 ~ 点知等睇医生都一样要等个几钟!唉, 挂完号就去行下商场啦, 谂住坐低饮杯冻柠茶, 食少少野啦。 见到呢间小店几靓㖞, 就入去试下啦, 点知有少少伏。一心只系谂住坐一阵, 点左墨西哥芝士鸡肉卷。餐厅地方不大, 是商场内的 open area, 下午茶无乜人, 不用搭枱, 都算舒适!柠檬茶算正常, 但没有茶味。等左将近半个钟, 墨西哥卷上枱了 ~ 可惜是又㶶又硬的, 仲要刻意将较为无咁㶶的向上 (忘了影相)! 我立即向女店员反映, 又干又㶶又硬 ~ 佢即时拎返入厨房, 出来后向说会重新做一份给我。又再等 15 分钟, 新的一份墨西哥卷终于来了!可惜 .... 虽然外观 ok, 但内有点不似预期。一点也没有芝士味, 反而有几条莞茜, 食落我以为食紧点心。味道有点似鲜竹卷呀! 商场内食店林立, 有咁多选择, 短期内不会再来了。