友記甜品 (已結業)

食完饭，今日试吓呢间甜品舖！佢未改装修之前其实系卖好多旧式甜品嘅，后尾可能见隔离间小樽越来越多人食，佢又装修过仲一样请啲美眉返嚟做侍应，真系好似多咗生意，我哋今晚就叫咗： 碧波山：其实系榴梿布甸加薄荷水晶粉，榴梿布甸唔太香，而且质感较削，同九龙城梗系冇得比，水晶粉系有薄荷味，冇欺场，但唔够烟靱，面头骑呢整嚿忌廉，成个甜品嘅甜味好单一，仲有出水嘅情形，唔得！ 榴梿飘香：一样唔得，榴梿唔靓，肉硬而味怪，有冇试过先比客食架？ 最搞笑系整咗啲柚子肉上去，但系味道系唔夹嘅，又酸又怪又出水！ 好难先吞咗佢落肚!我记得旧时食都冇咁差，而家革新咗仲衰过以前，搞食店要客食过番转头嘅重点应该系食物而唔系靓女侍应呀！而家好似多咗生意，但系始终会比食客嫌弃，有番自己嘅风格总好过跟人哋走！