影片
更多
2021-09-29
2343 浏览
今日呢餐饭真系不得了！居然要早3个月之前预约再落一半订先至订到位一尝四季酒店顶层四十五楼既Tempura Uchitsu午餐，究竟有几巴闭？OpenRice资料话餐厅于2020年10月开幕，由东京天妇罗匠人内津贵久主厨，提供天妇罗料理，午市清一色既厨师发办套餐每位$1,480加一，用餐时间约两个钟。某某服务员同我电话联络时候既态度都真系几串嘴，完全不愁生意。真系要试过先知到底值唔值！我唔客气啦！系四季酒店搭lift直上45楼，一出lift见到窗外高层嘅靓景，穿过呢个升降机大堂入去，发现餐厅入口好细。入面原来得8个吧位左右，怪唔得要早3个月预约兼落订！你地记得要要求吧枱中间位，我地坐侧边，完全看唔到师傅整野食。装修系正常日式餐厅。环境方面其实我觉得颇逼，同隔离位只有一块有色透明板隔住，其实系可以接受，不过作为四季酒店餐厅就有点儿那个。大家记得唔好迟到，原来餐厅系预算全部客人一齐同时食同一个菜式，等师傅可以一次整多人份量。我地大乡里，迟左20分钟已经比服务员打电话催。最后迟左25分钟，要赶快食追返上进度，不过我一向都食得快，无问题。一坐低，已经见到枱面摆好调味料，仲有餐巾，白信封比你放口罩
系四季酒店搭lift直上45楼，一出lift见到窗外高层嘅靓景，穿过呢个升降机大堂入去，发现餐厅入口好细。入面原来得8个吧位左右，怪唔得要早3个月预约兼落订！你地记得要要求吧枱中间位，我地坐侧边，完全看唔到师傅整野食。装修系正常日式餐厅。环境方面其实我觉得颇逼，同隔离位只有一块有色透明板隔住，其实系可以接受，不过作为四季酒店餐厅就有点儿那个。
大家记得唔好迟到，原来餐厅系预算全部客人一齐同时食同一个菜式，等师傅可以一次整多人份量。我地大乡里，迟左20分钟已经比服务员打电话催。最后迟左25分钟，要赶快食追返上进度，不过我一向都食得快，无问题。
一坐低，已经见到枱面摆好调味料，仲有餐巾，白信封比你放口罩，同热毛巾比你抹手。服务员问我地想饮咩，我地叫左热水，唔知冻水或冻茶收唔收钱。
南瓜汤，慢煮鸭胸，虾肉芋头配豆腐芝麻酱
然后服务员就上左前菜比我地，当然有逐一介绍。左起南瓜汤，慢煮鸭胸，同虾肉芋头配豆腐芝麻酱。
南瓜汤
17 浏览
1 赞好
0 留言
南瓜汤
迷你南瓜汤超甜又浓厚，份量只有几啖。
慢煮鸭胸
16 浏览
1 赞好
0 留言
慢煮鸭胸
慢煮鸭胸好嫩，我钟意鸭胸上面甜甜地既汁。鸭胸下面垫有水菜。
虾肉芋头配豆腐芝麻酱
25 浏览
1 赞好
0 留言
虾肉芋头配豆腐芝麻酱
虾肉1开3，芋头两粒，老实讲就唔太特别。豆腐芝麻酱好creamy，豆腐浓过芝麻味，上面居然加左少少樱花，令成个味道好特别。
白海老炸虾头
26 浏览
1 赞好
0 留言
白海老炸虾头
同一时间，港人师傅就上左第一道天妇罗比我地（因为我地迟到既关系），系白海老炸虾头。好多只迷你白海老刺身放左系紫菜天妇罗上面，最顶加左少少芥末。食落味道质感都唔错，有薄脆有鲜甜，不过未算惊喜。炸虾头当然香脆，可惜无虾膏，美中不足。
食完前菜之后，服务员就上左萝卜蓉天妇罗汁比我地，亦介绍左各款调味料。
左起系青柠（适用于海鲜），中间系加左冬菇同昆布既盐，右边系九州盐。九州盐较为咸少少。个人觉得呢d调味料完全无必要，一定系食食材既原味最好。最右边就系用黎装食剩嘅虾壳等。
车海老
23 浏览
1 赞好
0 留言
车海老
第二道天妇罗就系车海老。黎得呢d顶级天妇罗餐厅，天妇罗炸皮够薄系指定动作，呢度既炸皮基本上系可以用唔存在黎形容。车海老肉质弹牙，不过都系个句，未有惊喜。
莲藕
17 浏览
1 赞好
0 留言
莲藕
第三道天妇罗系莲藕。莲藕天妇罗我系第一次食，味道系唔错，不过都系无惊喜。
紫苏叶海胆
28 浏览
1 赞好
0 留言
紫苏叶海胆
紫苏叶海胆
11 浏览
2 赞好
0 留言
登登登登！终于等到我最期待既紫苏叶海胆天妇罗。自从多年前系稻菊试过紫菜包海胆天妇罗就真系一试难忘。呢度用紫苏叶代替紫菜，我觉得分别不大。服务员建议我地先试原味，之后先加盐，我当然完全唔需要加盐食。紫苏叶入面超多海胆，海胆滑溜creamy，虽然鲜味被炸皮掩盖，不过炸皮既香脆口感同大量海胆既滑溜creamy口感简直系无得顶！
紫苏叶海胆
$280
12 浏览
1 赞好
0 留言
我地忍唔住之后每人encore左一件，多谢位位$280再加一。食完觉得好邪恶。
大黑本菇配松露盐
15 浏览
1 赞好
0 留言
大黑本菇配松露盐
第五道天妇罗系大黑本菇，配左个松露盐。大黑本菇有半大只，松露盐都几特别下，真系有松露味。
津和井蟹汤叶卷
12 浏览
1 赞好
0 留言
津和井蟹汤叶卷
第六道天妇罗系津和井蟹汤叶卷，由服务员送上。呢道菜卖相唔错，两旧蟹肉卷用吉列脆皮包住，果然啖啖蟹肉，蟹味香浓。配菜有边豆同红椒天妇罗。个汁系忌廉汁，有蟹肉同洋葱粒系入面，好滑不过都几腻吓。
吞拿鱼赤身刺身
17 浏览
3 赞好
0 留言
吞拿鱼赤身刺身
食完几道天妇罗，呢个时候真系好需要一d清新少少既菜式去清一清味蕾。师傅真系贴心，呢个时候安排刺身，由服务员送上。吞拿鱼赤身刺身有两块，伴有芥末。一块赤身烧过，加左昆布同葱花。服务员建议食左未烧过𠮶块先。虽然味道上真系无特别，不过都欣赏师傅心思同埋将刺身用刀戒开多刀肯定唔会难咬。
鲛鱼
10 浏览
1 赞好
0 留言
鲛鱼
刺身之后就返到天妇罗。第七道天妇罗系鲛鱼，由服务员送上。鲛鱼两件，伴有姜芽，洒上七味粉既萝卜蓉，同柠檬。服务员建议加埋萝卜蓉一齐食。鲛鱼本身超嫩滑，最入面系未熟架，仲有少少生，鱼味鲜甜！加埋萝卜蓉又真系好食d，味道质感多d层次。
鲛鱼
$220
10 浏览
1 赞好
0 留言
我地之后encore左一客分享，价钱系$220，服务员话材料只剩最后一客，好彩。
小萝卜配三文鱼籽
8 浏览
1 赞好
0 留言
小萝卜配三文鱼籽
小萝卜配三文鱼籽
22 浏览
1 赞好
0 留言
第八道天妇罗系小萝卜配三文鱼籽，用左一套好精致既日式碗仔装住，由服务员送上。服务员建议用匙羹一齐食小萝卜同三文鱼籽。小萝卜天妇罗唔系平时清爽脆口𠮶啲，比较暖同实，个人就唔太钟意。平时𠮶啲三文鱼籽死咸，而呢个系完全唔咸，不过个人觉得鲜味唔够。整体而言，个人对呢道菜式有d失望。
帆立贝
15 浏览
1 赞好
0 留言
帆立贝
帆立贝
18 浏览
1 赞好
0 留言
第九道天妇罗系帆立贝，都系由服务员送上。帆立贝一大只好厚身，中间系未熟透既，肉质好嫩。个汤好厚身，加左好多紫菜碎同白芝麻粒，未食先闻到好香紫菜味。服务员建议帆立贝可以同上面冻冻哋同酸酸哋既香菜一齐食，果然系多重口感同味道。个汤就偏咸，同帆立贝一齐食就唔觉太咸，但系唔可以清空个汤。
舞茸菇
14 浏览
1 赞好
0 留言
舞茸菇
第十道天妇罗系舞茸菇，终于由师傅奉上。舞茸菇大大件，师傅建议配萝卜蓉天妇罗汁。菇味好香，果然配萝卜蓉可以带出个菇味，味道更好！
海鳗
13 浏览
1 赞好
0 留言
海鳗
第十一道天妇罗系海鳗。海鳗肉质好嫩，不过无惊喜。
渍物
7 浏览
1 赞好
0 留言
渍物
食左咁多香口嘢，个口真系好热，呢个时候真系应该要食返d冻野。服务员送上渍物，包括白萝卜同青瓜各两块同紫心萝卜一块。可惜个人觉得渍物味道太咸，唔够甜。
最后呢道天妇罗可以拣配饭或者素面，我同同行友人一人一样分享。
天妇罗配饭
20 浏览
1 赞好
0 留言
天妇罗配饭
天妇罗虾饼明显食到虾，另外仲配蔬菜一齐炸，质素唔错不过唔太惊喜。我钟意个饭，饭粒饱满，稔得黎唔会痴埋一齐，加埋甜甜哋嘅汁，好好食。份量系少食多滋味。个碗系超热，帮助保温。
汤
10 浏览
1 赞好
0 留言
另一点我钟意饭多啲系因为佢跟左个汤，味道似面豉汤不过冇咁浓，入面劲多爽滑菇仔同有少少香草，好正！
素面配柚子胡椒
15 浏览
2 赞好
0 留言
天妇罗配素面
服务员会自动将天妇罗虾饼同素面分开上，等块饼唔会被个汤浸稔。素面超幼身，味道质感无特别，个汤带微微既鲣鱼味道。配左个柚子胡椒，不过个人觉得柚子胡椒味道太浓所以又辣又咸，可能要加系个汤度搅拌好先食。
番薯天妇罗配牛奶鸡蛋雪糕
13 浏览
1 赞好
0 留言
番薯天妇罗配牛奶鸡蛋雪糕
最后呢道甜品真心惊喜。首先上枱时候系劲出烟（影唔切相），应该加左干冰效果。然后原来连甜品都系天妇罗，系两件番薯天妇罗，炸得皮脆肉厚，食落啖啖淀粉。牛奶鸡蛋雪糕系自家制，卖相其实溶溶哋，不过原来呢种质感配番薯天妇罗系好好味道。一冷一热，一脆一溶，绝配！上面仲加左少少红色花瓣装饰一下。
总括而言，呢个质素既天妇罗，除左以前既稻菊，我真系唔知香港边度可以食到，当然我并唔系食天妇罗专家，大家请指教。虽然唔系每道菜式都有惊喜，但系整餐饭黎讲我都觉得满意。特别一提系服务方面，服务员同师傅真系好有心，令我地成餐饭都食得好开心，明显餐厅真系对客人关怀备至，照顾周到。时间掌握方面系完美，准时2点放人。所以呢个$1480加一既套餐价钱我觉得以成餐饭作为一个experience黎讲系值得既，当然天妇罗唔可以成日食，太热气啦。大家想黎就记得3个月前订位啦！
张贴
