影片
更多
2009-03-10
87 浏览
今日系wing 肥嗲 ge 生日, 而庆祝食饭 ge 地点就系我一直都想去试晚市 ge <大荣华围村菜>. 因为知道呢间野晚市特别巴闭, 无得订位, 要亲自黎攞飞. 所以同wing 5:45pm 就去攞位,一上到去竟然见到门口已经坐满晒等叫飞入去 ge 人, 唔系挂, 6:00未够就食晚饭, 呢间野真系咁好食. 由于5:45 左右刚刚入左第一批晚市ge食客, 所以要到7:00pm 左右先轮到我地.(留意: 此酒家门口等飞地方系无冷气ga~~~ 仲要超多人~~~ 无位坐~~~ 所以如果夏天黎等位, 可以到楼下百佳及一间型零食店叹下冷气及买下小食, 因为系度呆等真系好易会晕ga.......)终于入到黎la, 地方唔算好大, 但环境及装修唔错, 呢度真超多人系点菜之前, 梗系先视察下环境先la, 睇下最多人食咩ma, 咁先稳阵, keekee~~视察完后, 得出以下点菜名单:1) 围村五味鸡: $48.00 - 基本上10枱会有6枱会食, 有姜葱及辣酱点. 好好味, 鸡肉好嫰滑, 好大碟. 推介!!!!2) 大荣华炒饭: $48.00 - 睇落去唔讲你以为系福建炒饭.
一上到去竟然见到门口已经坐满晒等叫飞入去 ge 人, 唔系挂, 6:00未够就食晚饭, 呢间野真系咁好食. 由于5:45 左右刚刚入左第一批晚市ge食客, 所以要到7:00pm 左右先轮到我地.
(留意: 此酒家门口等飞地方系无冷气ga~~~ 仲要超多人~~~ 无位坐~~~ 所以如果夏天黎等位, 可以到楼下百佳及一间型零食店叹下冷气及买下小食, 因为系度呆等真系好易会晕ga.......)
终于入到黎la, 地方唔算好大, 但环境及装修唔错, 呢度真超多人
系点菜之前, 梗系先视察下环境先la, 睇下最多人食咩ma, 咁先稳阵, keekee~~
视察完后, 得出以下点菜名单:
1) 围村五味鸡: $48.00 - 基本上10枱会有6枱会食, 有姜葱及辣酱点. 好好味, 鸡肉好嫰滑, 好大碟. 推介!!!!
2) 大荣华炒饭: $48.00 - 睇落去唔讲你以为系福建炒饭. "错" 佢个名叫大荣华炒饭, 如果你钟意食炒饭及糯米鸡, 你一定会好钟意食. 而我系极度钟意呢个炒饭.
3) 冬瓜火腩白鳝煲 : $48.00 - 由于我唔食鱼, 所以对呢个菜无咩期望. 但黎到出乎意外地 " 好食 " 个芡汁好味, 捞饭一流, 冬瓜好甜, 火腩肥瘦均匀, 最紧要系呢兜一d都唔腥. 正!!!
4) 凤凰蟹肉炒长远 : $48.00 - 阿wing 诚意推介. 此菜亦系呢度必食首选. 材料有粉丝/ 蛋/ 蟹肉/ 芽菜. 我觉得味道略淡, 但食落几爽口, 感觉特别. 而阿wing 都话今次比上次差左. 但系都ok!
5) 陈皮凉瓜煎鱼肠 : 48.00 - 本身想食焗鱼肠, 但发现有呢个菜, 所以叫左呢个黎试. 不吃鱼肠者: 勿点. 喜鱼肠者: 必食.
(6) 猪油捞饭 : $6.00 - 材料: 白饭 / 猪油 / 头抽
就系咁简单, 就系咁好食. 以前穷人食ge野其实好有水准, 呢d配搭, 有钱人你懂吗???
7) 西芹炒斑块 : $48.00 - 今日视察下见到有人食西芹炒斑块, 劲劲劲大碟, $48.00 唔驶谂实叫la. 碟野一黎发现系另有故事..... 原来人家食ge 系石斑两食 约 $300.00. 而我地叫 $48.00呢个只系例牌, 当发现黎到咁细碟ge 时侯. 大家ge目光即时投射在我身上. "唔好意思, 各位" .
虽然例牌, 但味道唔错, 西芹爽口, 连我唔食鱼都觉得正. 自已谂下叫唔叫la~~
8) 菠萝生炒骨 : 48.00 - 无特别. 讲完
9) 奶皇马粒糕 : $48.00 - 如果五香鸡10枱有6枱食ge位, 呢个糕就系10枱有9枱食. 好松软, 又有我钟意ge奶皇夹系中间. 就算食饱后食2件都唔觉"漏"
食完饭后仲有甜品送, 今日有红豆沙及麦米粥. 连个甜品都咁足料同有水准. 掂呀!
张贴
