影片
更多
2022-10-14
106 浏览
七月餐室 (九龙湾)好食度： 😋😋/5性价比： 😌😌/5回头率： 🚶🏻/5价钱：HKD62，瑶柱虾仁炒饭连热饮 and HKD52，沙嗲牛肉面常餐到底lunchtime 有咩好食？港男真系思考咗好耐，唯有周围睇吓有无啲新嘅冲击。今次港男就嚟到呢间七月餐室，环境都不过不失，应该因为未算开业好耐。餐牌上嘅食物种类不少，可惜喇沙就暂停供应，最后港男拣咗个瑶柱虾仁炒饭食。唔知系咪鬼揞眼，竟然留意唔到有常餐，如果唔系应该会叫常餐，因为睇见其他人啲炒蛋都几靓仔下。咁讲返港男自己叫嘅炒饭先，唔难食，但绝对称唔上好食，咁虾仁都唔少嘅，可惜味道真系不算太吸引，而且炒饭嘅等候时间会耐啲，可能真系即叫即炒？不过一出货就几碟炒饭一齐出，希望唔系等埋够数先一次过炒啦。🤔嘢饮方面就基本包热饮啦，但港男见到有可口可乐海报，好似系加三蚊就可以转玻璃樽可乐？但成个场唔见人饮，唔太确定系咪真系可以啊下。总括嚟讲，下次都真系直接试常餐好过，成个场嘅人都真系多数叫常餐或者all day breakfast 多，而港男睇见隔离枱嘅all day breakfast 系摆得几靓仔嘅。然后港男又真系走去畀多次机会佢，今次就直捣黄龙
好食度： 😋😋/5
性价比： 😌😌/5
回头率： 🚶🏻/5
价钱：HKD62，瑶柱虾仁炒饭连热饮 and HKD52，沙嗲牛肉面常餐
到底lunchtime 有咩好食？港男真系思考咗好耐，唯有周围睇吓有无啲新嘅冲击。今次港男就嚟到呢间七月餐室，环境都不过不失，应该因为未算开业好耐。餐牌上嘅食物种类不少，可惜喇沙就暂停供应，最后港男拣咗个瑶柱虾仁炒饭食。唔知系咪鬼揞眼，竟然留意唔到有常餐，如果唔系应该会叫常餐，因为睇见其他人啲炒蛋都几靓仔下。
瑶柱虾仁炒饭
$62
12 浏览
0 赞好
0 留言
咁讲返港男自己叫嘅炒饭先，唔难食，但绝对称唔上好食，咁虾仁都唔少嘅，可惜味道真系不算太吸引，而且炒饭嘅等候时间会耐啲，可能真系即叫即炒？不过一出货就几碟炒饭一齐出，希望唔系等埋够数先一次过炒啦。🤔嘢饮方面就基本包热饮啦，但港男见到有可口可乐海报，好似系加三蚊就可以转玻璃樽可乐？但成个场唔见人饮，唔太确定系咪真系可以啊下。
总括嚟讲，下次都真系直接试常餐好过，成个场嘅人都真系多数叫常餐或者all day breakfast 多，而港男睇见隔离枱嘅all day breakfast 系摆得几靓仔嘅。
沙嗲牛肉面常餐
$52
7 浏览
0 赞好
0 留言
然后港男又真系走去畀多次机会佢，今次就直捣黄龙，直接试个常餐啦。咁个餐包系好重蒜蓉味嘅，而个炒蛋都真系有少少黑松露喺度嘅，都香嘅。而个炒蛋同沙嗲牛面都系基本水准啦，无咩特别。不过今次杯热饮就出出哋事，港男为咗扮吓健康，最近都系叫开热柠水嘅，咁通常就拮完热柠就夹走，唔会长期浸住同埋都无加糖嘅。而呢次杯热柠水，我长期饮到嘅都唔似系柠檬味，而且啲色都偏柑黄色咁，究竟杯嘢系发生咗乜事呢？🤷🏻♂️真系一个谜。其实九龙湾内都唔少茶记，以呢个价钱同质素，其实有更多更好嘅选择，同埋间餐厅根本长期都无喇沙咁，希望真系搞搞佢好㖞。
———-//////————
地址：九龙湾宏开道19号健力工业大厦地下2B号舖
电话：35687437
～～～～～～～～～
#堂食 #kongerguy #kongercouple #揾食 #情侣 #港侣 #couple #foodie #food #美食 #九龙湾 #九龙湾美食 #lunchtime #午餐 #沙嗲牛肉面 #常餐 #瑶柱虾仁炒饭 #热柠水 #七月餐室 #黑松露炒蛋 #蒜蓉多士
张贴
