凡 (已結業)

最近同朋友约食饭，拣左呢间新开嘅怀石料理「凡」。餐厅由日藉师傅主理，当日帮衬嘅时候隔离枱都系日本客人，感觉非常正宗。餐厅环境唔算大，座位唔多，成个环境一眼望得晒。日藉师傅非常亲切，用餐当日我因为揾唔到路而迟左，佢居然企左出门口等我，态度仲好好，真系比到人宾至如归嘅感觉。餐厅有两款唔同价位嘅套餐可以拣，分别系✨$680同✨$880。我同朋友都拣左$880嘅套餐。✨前菜5款盛盒五款前再分别装咗喺和式风格嘅小碟上， 卖相非常精致。味道方面亦做得唔错，我自己就特别钟意最中间嘅酿葡萄，食落非常清甜。✨刺身5款盛盒刺身由师傅即场处理，都系比较常见嘅刺身，分别有鲷鱼、三文鱼、带子、牡丹虾同拖罗，味道鲜甜。✨烧鱼虽然menu上写嘅系烧鱼，但师傅为我地准备嘅则系烧北寄贝，食落鲜甜爽口，最后饮埋入面嘅汤，非常鲜美。✨煮物3款三款煮物望落都非常吸引。我自己特别钟意个冻豆腐。上面放满左海胆，豆腐带有芝士味，咸咸甜甜，好似食紧芝士蛋糕味嘅布甸咁。✨肉类肉类系一款非常家庭式嘅煮和牛，以荷叶包裹住外层，牛肉口感幼嫩，但味道略咸。✨温菜之后嘅温菜系一道白子茶碗蒸，食落口感非常细滑。✨饭食饭食系两件鲭鱼押寿司，系我第一