正中大排檔

营业中

休息中

今日和朋友去完行山，顺便落筲箕湾食下午茶，朋友话去食「正宗大牌档」，我就话「乜有唔正宗既咩?」，原来系讲紧「正中大牌档」，哈哈！去到门口感觉有点亲切，因为我好似好耐之前呢头食过类似的粉面。我哋来到都已经系下午茶接近晚饭时间，人唔多由于成大半日冇食过，我地都叫左好几样野食1. 厚西多士，都真系几厚，味道都唔错，唔会炸得太㶶。2. 炸云吞，刚炸起热辣辣点埋个甜辣酱食真系一流，云吞入面都真材实料，每只都有虾喺入面，一样都唔会炸得太㶶，刚刚好。3. 朋友叫左碗四宝河，份量都几多，佢最欣赏云吞同牛丸，牛丸入面有黑椒，又弹牙。4. 我叫左切腩四宝捞粗，我最欣赏个切腩，有牛味又淋，同埋云吞都好好味。5. 最后就系饮品，朋友要了热柠乐煲姜，我就想试消脂青柠，其实系青柠梳打，都几好饮。可能太肚饿，我地全部清哂，一件不留，下次行过东大街都会再来。