影片
更多
2022-06-04
116 浏览
今日要嚟北角上堂，有人话下昼收早，过嚟接我放学，然后一齐去食晚饭。沿书局街转入渣华道，见到有间「富景清香面家」，睇咗门口餐牌，原来餐厅除咗主打粉面外，仲有粥同肠粉等供应，啱晒我俩心水，一于试下。先嚟一碟富景炸酱捞面 ($40) 炸酱以传统方法炮制，肉丝好松化，酱汁酸酸甜甜，面条亦劲道十足，爽口弹牙，捞埋啲炸酱一齐食，甘香惹味。鲜鲩鱼腩粥 ($40) 鱼腩肥美新鲜，入口嫩滑不嚡，大块又量多，属足料之作。粥底稀稠度亦啱啱好，入口带鱼香鱼鲜，而且最重要就系冇腥味，令人吃得很满意。陈皮碎牛肠粉 ($25) 肠粉皮又白又滑，牛肉剁得够幼细，而且真材实料，食落肉质好软嫰，带阵淡淡陈皮香，淋上甜豉油，啖啖滋味。仲有两日就端午节，见到餐牌有蛋黄牛肉粽 ($38)，当然唔可以错过，点番只嚟应下节。睇下几足料，有牛腩、咸蛋黄、糯米、绿豆等。牛腩非常软腍，酥而不烂；糯米糯而不粘，油而不腻，加上索满酱油香气，令人食指大动。加咗个小食黄金鱼片头 ($31)，片头经油炸至金黄色，外层厚皮香口，内里弹牙结实，有鱼味又唔会油淋淋，甘香可口。跟餐饮品点咗杯冻奶茶 (+$9) 同 豆浆 (+$9)，奶茶香滑，甜度适
沿书局街转入渣华道，见到有间「富景清香面家」，睇咗门口餐牌，原来餐厅除咗主打粉面外，仲有粥同肠粉等供应，啱晒我俩心水，一于试下。
先嚟一碟富景炸酱捞面 ($40) 炸酱以传统方法炮制，肉丝好松化，酱汁酸酸甜甜，面条亦劲道十足，爽口弹牙，捞埋啲炸酱一齐食，甘香惹味。
鲜鲩鱼腩粥 ($40) 鱼腩肥美新鲜，入口嫩滑不嚡，大块又量多，属足料之作。粥底稀稠度亦啱啱好，入口带鱼香鱼鲜，而且最重要就系冇腥味，令人吃得很满意。
陈皮碎牛肠粉 ($25) 肠粉皮又白又滑，牛肉剁得够幼细，而且真材实料，食落肉质好软嫰，带阵淡淡陈皮香，淋上甜豉油，啖啖滋味。
仲有两日就端午节，见到餐牌有蛋黄牛肉粽 ($38)，当然唔可以错过，点番只嚟应下节。
睇下几足料，有牛腩、咸蛋黄、糯米、绿豆等。牛腩非常软腍，酥而不烂；糯米糯而不粘，油而不腻，加上索满酱油香气，令人食指大动。
加咗个小食黄金鱼片头 ($31)，片头经油炸至金黄色，外层厚皮香口，内里弹牙结实，有鱼味又唔会油淋淋，甘香可口。
跟餐饮品点咗杯冻奶茶 (+$9) 同 豆浆 (+$9)，奶茶香滑，甜度适中，入口不苦涩，水准唔错。
张贴
