至尊重慶雞煲 (堅拿道西) (已結業)

成班老友约出嚟食饭吹水，我哋成班基民，最紧要就系食物好食，环境卫生，坐得小小迫都无所谓。最钟意就系鹅颈桥旁呢间经济又好食鸡煲。我哋都食到熟晒，一入门口已经拎定嘢饮先，罐装野饮好多选择，仲有清凉茶薏米水，饮咗都冇咁热气。而且仲有我最喜欢食嘅拍青瓜同埋茶叶蛋。拍青瓜出边几十蚊一碟都冇佢整得咁有四川风味。好快鸡煲就上枱啦！可以即刻食！鸡煲d酱汁真系煮得好好味。鸡件啖啖肉，软滑多汁。今次系美味的辣，食得好刺激。食完鸡之后果汁仲好好味，一于放埋花胶同埋牛柏叶再滚下，食得更加惹味。差唔多时间就加汤打边炉，呢度食系有限时嘅，因为差唔多九点钟出边已经有人排队等位。任点任食嘅打边炉了都有好多㗎！其中青口、肥牛肉、同埋自家制韭菜水饺都系我最喜欢食嘅。密密食之后，最后仲有雪条或者雪糕杯食，真系由头食到落尾，每人百几蚊埋单，真系铜锣湾饭堂之选择。