匠心廚房 (已搬遷) 新店位置

水果报介绍呢间食店老板曾经系北京五星级酒店中菜总厨，所以今日同老婆嚟试吓。装修简洁平实，配有金色装饰品，别具特色。点咗个二人套餐：有头盘、炖汤、小菜、白饭/馒头($198）雪耳椰子🥥鸡炖汤，清甜有椰香味，没有油腻感，汤料又多可以食，滋补润肺，尤其适合秋冬饮用。头盘：麻辣川蜀口水鸡，麻辣酱汁辣中带香，辣度适中，但鸡肉略嫌唔滑。小菜：拍蒜酱油豆角，蒜香酱浓，豆角软硬度恰到好处，一道简单嘅菜式都做得好惹味。小菜：罗望子干葱腩排，味道酸酸甜甜，比咕噜肉更好味，如果腩排能够肉多骨细，口感会更好。另外叫多两杯养生茶：灵芝山楂乌梅茶及银耳无花果薏米水，足料味浓，生津止渴。