紅椒力量

营业中

休息中

有时候会系红磡呢边返工，都会周围睇下附近有咩餐厅同嘢食。今次就嚟到红椒力量，佢系一间旧式冰室，有港式炒粉面之外，仲有越式、泰式、西式嘅菜式选择，好丰富，而且价钱平民化！午餐选择超过二十款，咸盖港式滋味同埋东南亚风情，最惊喜系午餐精选入面有抵食嘅扒餐！不过今日就想试下拣东南亚嘅嘢嚟食！泰式鳯爪无骨泰式凤爪超有咬口，味道酸酸甜甜，带少少辣，冻食非常过瘾，作为前菜都几开胃！因为太好味，所以食咗唔少！冬阴海鲜汤米粉冬阴汤系泰国料理中嘅代表，甚至被称为「国汤」，今次又点会唔叫返碗冬阴海鲜汤米粉比自己？！汤味道很香浓且微辣，而且系冬阴海鲜汤米粉入面，份量十分足料！包括有大虾、青口、墨鱼咀、菇片特等食材，超丰富！特饮 青柠梳打青柠梳打系一款解渴解热嘅饮品，好啱刚刚食完辣野之后饮！