永記車仔麵

营业中

休息中

永记喺荔枝角都多人帮衬，今日同朋友等咗大约15分钟先有位。不过店员们好爽手又好有礼貌，真系等一等都值得。落单用填纸仔嘅模式，以小店嚟讲选择都唔少。我今日试咗个三𩠌乌冬加沙嗲酱，配咗五花腩、鱼肉春卷同萝卜。五花腩有惊喜，佢比我想像中冇咁肥，又有油香味。鱼肉春卷就整得好脆口，同埋切开咗做细件，想同朋友交换下𩠌 (就系相入面嘅鱼皮饺哈哈) 都好方便。萝卜三旧大件不特止，仲真系一粒渣都冇，配埋沙嗲酱食冇得顶。车仔面可以免费加配热饮，如果钟意饮可乐嘅加3蚊仲可以转大支装添，可乐迷千祈唔好错过喇！