滿福庭

营业中

休息中

位于观塘鳄鱼恤中心嘅❣︎满福庭❣︎系一间海鲜中菜酒家，今日去叹下午茶，呢度嘅价钱好亲民👍🏻小点都系$21.8，另设有下午茶特价组合，点心款式多，难怪一上去几乎8成满座。❣︎贵妃鸡汤米线❣︎$28.8鸡肉肉嫩香滑，呢个米线都唔使$30，计埋茶位加一都系$42到，如果就到时间当lunch食真系抵👍🏻仲有杯茶叹下。❣︎午市点心超值自选配❣︎$198呢个餐包2笼点心同2个主食♡︎鲜虾菜苗饺♡︎即叫即蒸😋上枱时仲出烟架，皮爽滑有韧性，晶莹剔透，菜苗份量超多，鲜虾弹牙。♡︎潮州蒸粉果♡︎爽软润滑，馅料丰富，入面嘅灵魂就系沙葛，食落非常爽口。♡︎脆皮烧腩仔♡︎个皮烧得超香脆😋👍🏻好似食梗薯片噤，肉质松化带咸香。♡︎迷你鱼香肉碎茄子煲♡︎其实一啲都唔迷你😆份量都多，茄子咸香惹味，吸尽晒啲鱼香肉碎汁。❣︎莲子红豆沙❣︎$21.8红豆入口软腍😋👍🏻味道好清甜，仲有啲起沙，又够热超好食。