影片
更多
2024-07-27
226 浏览
今日陪朋友去观塘骆驼漆大厦行街买灯饰电器，买完嘢就喺度食晚餐，骆驼漆大厦一向都有好多食店，见到一间好有优惠嘅餐厅，睇完餐牌觉得餐厅嘅食物好有健康概念。这间餐厅叫Day One Cafe，位于观塘开源道60号骆驼漆大厦第三座6楼U01室，地铁观塘站B2出口，行几分钟就到，非常方便。餐厅装修简约以黑白色为主调，地方宽敞整洁，枱凳摆设整齐，令人坐得舒服，来这里食都不错。系门口已经见到两个优惠餐牌，迎新优惠同会员优惠，迎新优惠系$1=1分，有优惠券$20，外卖咖啡买一送一，平日3-5pm免费饮品一杯，其余优惠可用积分换领，而会员优惠用电话WhatsApp订位有85折，会员生日月份会送Tiramisu，星期二至日都有每人不同优惠，真系唔错做这间餐厅会员。餐厅餐牌嘅主食有两种嘅选择，有Daily special有7款嘅食品，而Health day就有8款嘅食品，我哋系每种选择一款食品，Daily special 嘅烟三文鱼牛油果酱酸种多士配沙律，Health day嘅全日早餐，饮品就拣咗泡沫鲜奶同泡沫朱古力。烟三文鱼牛油果酱酸种多士配沙律嘅材料有三文鱼、牛油果酱、多士、蕃茄、新鲜蔬菜，呢个主食非常
今日陪朋友去观塘骆驼漆大厦行街买灯饰电器，买完嘢就喺度食晚餐，骆驼漆大厦一向都有好多食店，见到一间好有优惠嘅餐厅，睇完餐牌觉得餐厅嘅食物好有健康概念。这间餐厅叫Day One Cafe，位于观塘开源道60号骆驼漆大厦第三座6楼U01室，地铁观塘站B2出口，行几分钟就到，非常方便。餐厅装修简约以黑白色为主调，地方宽敞整洁，枱凳摆设整齐，令人坐得舒服，来这里食都不错。
系门口已经见到两个优惠餐牌，迎新优惠同会员优惠，迎新优惠系$1=1分，有优惠券$20，外卖咖啡买一送一，平日3-5pm免费饮品一杯，其余优惠可用积分换领，而会员优惠用电话WhatsApp订位有85折，会员生日月份会送Tiramisu，星期二至日都有每人不同优惠，真系唔错做这间餐厅会员。
餐厅餐牌嘅主食有两种嘅选择，有Daily special有7款嘅食品，而Health day就有8款嘅食品，我哋系每种选择一款食品，Daily special 嘅烟三文鱼牛油果酱酸种多士配沙律，Health day嘅全日早餐，饮品就拣咗泡沫鲜奶同泡沫朱古力。烟三文鱼牛油果酱酸种多士配沙律嘅材料有三文鱼、牛油果酱、多士、蕃茄、新鲜蔬菜，呢个主食非常健康，沙律用非常新鲜嘅蔬菜，加上好美味嘅沙律汁，而脆香多士上面有两块大大嘅烟三文鱼，仲配埋有一层牛油果酱、蕃茄同生菜，食落好新鲜好有味道，亦都够晒营养。
全日早餐有烟鸭胸、秋葵、牛油果、牛油炒菇、糖心蛋，用来食晚餐都非常好食，尤其是烟鸭胸，香滑软熟，食落口嘅味道好浓郁，非常好食，牛油果同秋葵非常新鲜，牛油果切到一片片同秋葵一支支，用嚟配合食烟鸭胸，非常一流，牛油炒菇粒令到啲菇好有牛油香味，令人不停来食，糖心蛋个蛋黄软滑甜美，蛋白就爽滑清香，真系不错。泡沫鲜奶面头加咗少少朱古力粉，令到啲鲜奶更有香味，而泡沫朱古力面图铺满一大份朱古力粉，令到个朱古力奶更香浓，两杯泡沫奶入口都有丰厚嘅泡沫感，质感柔顺滑溜，令人饮得舒服。
这间餐厅好值得推荐俾大家，食品真系新鲜健康，餐厅有煮得好食，价钱又唔贵，又多优惠，店员服务态度又好，我哋下次都一定再来食。
张贴
