神木日本料理 (已結業)

转左工嚟左观塘返工，朋友介绍观塘好多工厦有好野食，仲话带我试下。神之特上刺身（6点盛）入面有三文鱼，带子，吞拿鱼，火炙金目鲷，火炙左口鱼，虾🦐刺身新鲜鲜甜，火炙鱼有充分嘅鱼油，劲香，正，值得一叫👍牛肉他他好有特色既他他，入边有半生熟嘅牛肉，洋葱同埋金黄色嘅鸡蛋黄，配上秘制酱汁，爱好牛牛既我，非常钟意。鸡五味盛店员介绍里面有鸡肝，鸡心，鸡翼，鸡颈，鸡软骨，肉类有先调味再烧烤，烧至金黄色。锅烧乌冬最后叫返个饱肚嘅日式乌冬，入边有一只炸虾，有茹类，萝卜等等配菜，乌冬有咬口，汤底清甜，食完即刻暖笠笠。蓝柑乳酸梳打/草莓乳酸梳打朋友叫咗哩个蓝柑乳酸梳打，而我就叫咗草莓乳酸，颜色几靓，饮品偏甜，带有果肉同乳酸味。