犢食 (已結業)

上星期去左观塘，睇一睇手机，有咩黄店，发觉原来工厂大厦入边都有间叫犊食。反正路过就试吓佢啦。上到去觉得个装修其实都几特别，几有日式风格，舖头唔算话好大，大部份嘅都系高櫈，不过入边装修都几骨致，墙身填满左店主钟意嘅CD，都叫几唔错。今次叫咗佢嘅招牌牛肉饭同埋汤咖哩，仲有啲小食添。先讲个牛肉饭，同坊间嘅唔同，佢本身系配有姜，姜味都几浓烈，食唔关嘅朋友可能会觉得佢遮盖左牛肉本身嘅味道。我自己另外加咗豉油糖心蛋，配埋牛肉饭食其实几正，不过我自己都麻麻哋啲姜哈哈。至于汤咖喱方面，个人觉得味道偏淡，不过佢配有好多蔬菜，我估都系想营造一种清新嘅口感。汉堡扒都几好食，不过如果可以流心嘅话就更加好。讲吓啲小食，个人觉得个炸豆腐做得几唔错，外脆内软，而且加埋柴鱼片，更有和式嘅风味。总括嚟讲，观塘区嘅黄店有好多都成为左大家嘅沧海遗珠，如果经过巧明街，不妨上去试吓呢间！