1988 (已結業)

一话去食泰国野，好多时都只会谂起九龙城！今日竟然喺观塘工厦发现到正野—1988餐厅光线充足，枱与枱之间都唔会太逼！餐枱仲要系云石添估唔到食泰国野都咁有文青feel!餐牌食物种类都好丰富，我地拣左生虾、木瓜沙律、串烧鸡+猪、虾饼、西柚梳打同埋香叶肉碎饭！先嚟柚子梳打，一嚟到真系哗一声！味道唔会太甜，梳打水加四分一个西柚，超fresh！之后就系我最中意嘅生虾啦！每只生虾面都配有小蒜头同辣椒，加埋餐厅自家制酱汁，酸酸甜甜，好食！至于木瓜沙律呢，份量都几多，木瓜丝配合生菜、蕃茄、花生粒等，好好吃哦！串烧方面，原本我只系拣左鸡串，但侍应表示可以双并咁嗌，所以就试哂鸡串同猪串！串烧本身食落充满蜜糖味道，甜甜的，放喺碟旁嘅系沙嗲酱，我本身麻麻地沙嗲，所以呢就冇点到～虾饼食落非常弹牙，上枱热辣辣，外层脆卜卜！最后嘅香叶肉碎饭，建议先均匀搞拌，感觉有d似生菜包，以为咁多辣椒一定好辣，点知又ok wo，食埋呢个主食，就完满结束啦！