哈豆

营业中

休息中

我去左成业工业大厦既哈豆，并冇留低任何深刻印象，不过原来观塘有两间哈豆，我同女友今日去左富利工业大厦既哈利。上一次哈豆给我一种朴素既感觉，食物不错但装潢一般，无乜眼前一亮既地方。但今日一入去餐厅就被墙上既油画所吸引。客人可以透过「窗户」欣赏台湾不同旅游景点，包括我最爱嘅垦丁。另外富利大厦既哈豆地方更大，坐得更加舒服。餐牌既设计非常生动有趣，食物画得栩栩如生，最后一页系六条关于老板或者哈豆嘅问题，大家可以一边阅读，一边等待食物既来临。- 路边摊小香肠外皮香脆，更上炸蒜粒可谓脆上加脆，而且Juicy到爆汁💦。- 蜜糖椒盐鸡翼鸡翼外皮超香脆，蜜糖令味道更香甜，不过食唔到任何椒盐味。- 丰盛台湾牛肉汤面汤底虽甜但称不上浓郁，不过食材非常丰富，除咗牛展仲有鱼蛋、贡丸、墨鱼丸同卤水蛋。面条亦弹牙。- 台式麻油鸡汤套餐麻油鸡汤甜甜地，鸡件相当多，肉质比较有嚼劲，套餐仲有肉松卤肉饭同一碟油菜，肉松同卤肉既配搭不错，食落比较不腻。油菜浸落麻油鸡汤亦系一番滋味。- 哈豆鲜果茶首先值得一赞既系完全冇冰，就算过咗好耐，味道唔会变淡。第二系水果种类几多，水果亦切得非常细粒，茶同水果更好地融合。口渴时倒上一小杯，