Master Room (已結業)

朋友星期六都要返工，工厂区附近星期六相对比较小人，揾到呢度呢间偏远小小嘅Cafe, 系黄昏时间太阳西斜啰，太阳晒到正，好似冇乜冷气咁，其他都OK嘅。其实之前嚟过，朋友已经想试个蛋饼，今次就试吓佢啦，本身我觉得好似好大个会好饱，因为我又唔系太肚饿，嚟到比我想像中细嘅，切开好似蜂巢咁，味道都唔错。另外朋友坚持要嗌多一样嘢食，咁唯有叫个原味窝夫🧇 （本身我系谂住佢嗌个burger有薯条，我就可以黏啲嚟食就算数）热辣辣嘅窝夫系好味嘅，摆耐咗就开始争少少我就叫咗杯Dirty，朋友就被游说底下叫咗杯特别嘅滴漏咖啡？其实我唔知佢叫咗乜嘢，（虽然有详细介绍😜）只系上台嘅时候好精致好似饮日本sake 咁! 咁样逐杯逐杯细细啖饮，又另有一番风味。见到隔篱枱有coKe 有咖啡,重有咖啡啫喱，原来叫T bLack, 下次又可以试吓。