Be Leaf (已結業)

放工，又约左老婆去观塘揾食。又上左开饭睇，寻日试完一间工厦cafe，今日晚饭再试。响开饭见几好人气，又有唔小好评，决定试下。饮品：老婆身体不适要饮热野，叫左洛神花茶，入面仲加左果皮，酸酸甜甜，都几好饮。侍应仲主动加热水，变相续饮，味道都无乜淡到。我就冻饮，Ocean Paradise Soda，蓝色大爱几好睇，有荔枝味，同益力多味，甜。南瓜汤，唔算好浓，都不俗自家制香草面包，正常货，软硬适中，唔会太硬又唔会好似咬空气咁。烧椒酱风味炭烤牛舌，去到边都食我舌既我，大爱，牛舌虽然唔系厚切，但都几大块下，配埋个椒酱，一流，夹住黎食，好正，小小辣味。香浓蟹膏双色意大利面配手拆松叶蟹刺身带子：意大利面唔错，配左蟹膏，几香口。有蟹肉，带子食，但系新鲜货又大粒。16小时慢煮酱烤法国鸭腿配牛油意大利饭：邪恶之选，劲香牛油味，又有芝士，邪恶到核爆。鸭腿唔干身，有d汁水，唔知系咪慢煮关系，d肉都好嫩。