大滿屋日本料理 (已結業)

好口痕想食下放题，不过唔单止食刺身，仲有黄金虾食，出面食一碟闲闲地都七八十，今次放题竟然有得食！香脆口味，全只虾被咸蛋黄包围得好均匀，绝非hea底！仲有泰式凤爪同生虾，一次过可以食埋中泰日既菜色，绝对唔会乏味沉闷呀！当然，都有大大只刺身船啦，毕竟食放题都为左大啖大啖食刺身！刺身爽口之余仲有返咁上下要厚度，完全唔系薄切！锅物仲可以拣埋寿喜烧，甜甜既酱汁好开胃！一次过食晒系唔同食肆先可以食到既野，一次个满足晒咁多个愿望，真系冇改错名！