張公子

营业中

休息中

朋友经常嚟饮茶，表示食物质素好好，今次带我去食晚饭小菜，又估唔到观塘有间咁高质嘅中菜。餐厅有单点小菜之余，亦有唔少套餐选择。食物种类选择多，我哋人少少，所以点咗几个小菜试吓。张公子叉烧（$258）- 叉烧系招牌菜之一，外皮焦脆，内里肉质鲜嫩多汁，入口即化。肉质好香，同蜜汁味道非常夹，真心好味。特别要赞餐厅提供咗个热盘keep住叉烧嘅温度，令叉烧入口热辣辣，特别好食。艳影虾球（$108）- 卖相非常吸引，虾球的外层炸得酥脆，内里的虾肉超大，肉质鲜嫩弹牙，入口唔会过份油腻，非常美味。鲜腐竹蕃茄浸菜苗（$138）- 呢道绝对系清爽嘅素食之选，腐竹同菜苗，再加上蕃茄的酸甜味，好味又健康。翡翠笋壳鱼球（$268）- 荀壳鱼为主要材料，肉质鲜结实，入口啖啖肉，配以西芹及青红萝黄椒，口感多重。餐厅几道小菜味道都相当唔错，环境亦舒适好坐，枱与枱之间宽落，啱晒同屋企人或朋友晚饭倾偈。