小城大廚

营业中

休息中

观塘成业工业大厦出名多高质隐世小店，今次就黎试下呢间叫「小城大厨」嘅港式大排档餐厅。呢间餐厅舖面几大，以大排档格局黎讲算系几企理，而且店员都几殷勤。餐厅主打大排档美食、小炒、海鲜等，价钱相宜。以下系当晚叫左嘅食物。首先系「上汤菠菜」，汤底清甜，菠菜鲜嫩，食落去好舒服，仲可以感受到汤底入面嘅鲜味，相当唔错。接住嚟系「豉椒炒蚬」，啲蚬好鲜、无沙，豉椒嘅香味正好衬托出蚬嘅海水味。而且师傅炒得火候啱啱好，每一口都令人想再食多几只。跟住系「蜜椒薯仔安格斯牛柳粒」，牛柳质素好高，牛味十足，最正系煎得外脆内嫩，蜜椒嘅甜味同薯仔嘅滑口感形成完美结合，食到最后都忍唔住多夹几块。最后系「清蒸原只乳山蚝」，蚝肉肥美，清蒸之后保留咗原汁原味，点豉油食更加提升咗海鲜嘅鲜味，真系好正！整体而言，「小城大厨」嘅菜色味道出色，值得推荐！