Flames (鴻圖道)

营业中

休息中

星期六跟朋友去左观塘鸿图道参加工作坊，上完堂就当然要去补充下体力，所以朋友就带左我嚟Flames食个丰富嘅午餐啦！餐厅环境好舒服，整个气氛都好轻松，而且座位都坐得舒服。我地叫左两个Set Lunch，另加配左餐汤同甜品。饮品我地就叫左两杯冻柠茶。是日餐汤就系南瓜汤， 南瓜味好丰富超浓郁，入口仲有丝丝嘅南瓜蓉添。嚟到就当然要叫佢地好出名嘅手工Pizza，所以就叫左一份 海鲜香草茄酱薄饼，薄饼嘅份量好大，鲜虾、鱿鱼、烟三文鱼都好足料，连埋个有厚度但又好松软嘅饼底一齐食，层次即刻变得好丰富，味觉同口感都一流。另外一份 烧大虾三文鱼籽龙虾汁扁意粉都非常唔错，超新鲜大只嘅大虾肉质弹牙，再搭配劲有份量嘅三文鱼籽，直情系味道大满足。而扁意粉挂上creamy嘅龙虾汁，入口都特别鲜味。最后就到 是日甜品 芝士蛋糕，芝士蛋糕嘅甜度适中，口感顺滑，食落唔会觉得腻。