影片
更多
2021-05-27
990 浏览
观塘开源道，作为全香港其中1个塞车既黑点，每晚收工既时间永远都系人来人往 (如果你想稍为行快少少都无可能)。响闹市中入面揾1间相对宁静既西餐厅都有难度，今晚小编与朋友们就响隔离成业街就揾到呢间Comfy by Chef's Stage。Chef Stage呢个品牌既餐厅以前响荃湾﹑元朗个阵都系属于高质素既餐厅 (还记得以前每次用餐都会食车打芝士汉堡类既产品，因为汉堡扒既肉汁真系好多好吸引)，所以响观塘见到个阵都有唔少期待。7:30到达后，坐位都算多情况下刚巧满座，所以小编都等左大约20分钟先有枱。基于防疫既考虑，餐厅都以无接触 (即电话直接扫瞄QR Code)落单。今晚连小编自己总共有3位朋友一齐晚餐，就当然可以点选更多既菜式一同分享品尝!1) 慢煮手撕鸡肉烧烤酱薄饼 ($118)：好味! 烧烤酱浓郁，虽然手撕鸡份量唔算多，但配搭烧烤酱都算惹味，而菠萝及沙律菜就可以中和少少烧烤酱既浓味；饼底偏硬所以切个阵要小心，而偏硬既饼边小编就唔太钟意喇!2) 美国牛肩胛板键扒 ($168)：还可以。两块牛扒取自唔同部位，但牛板键个块偏向多筋，令到切既时候，以至食个阵都会比较难咬，相对会失色不少。而
Chef Stage呢个品牌既餐厅以前响荃湾﹑元朗个阵都系属于高质素既餐厅 (还记得以前每次用餐都会食车打芝士汉堡类既产品，因为汉堡扒既肉汁真系好多好吸引)，所以响观塘见到个阵都有唔少期待。
7:30到达后，坐位都算多情况下刚巧满座，所以小编都等左大约20分钟先有枱。基于防疫既考虑，餐厅都以无接触 (即电话直接扫瞄QR Code)落单。
今晚连小编自己总共有3位朋友一齐晚餐，就当然可以点选更多既菜式一同分享品尝!
1) 慢煮手撕鸡肉烧烤酱薄饼 ($118)：好味! 烧烤酱浓郁，虽然手撕鸡份量唔算多，但配搭烧烤酱都算惹味，而菠萝及沙律菜就可以中和少少烧烤酱既浓味；饼底偏硬所以切个阵要小心，而偏硬既饼边小编就唔太钟意喇!
2) 美国牛肩胛板键扒 ($168)：还可以。两块牛扒取自唔同部位，但牛板键个块偏向多筋，令到切既时候，以至食个阵都会比较难咬，相对会失色不少。而蔬菜饼配搭牛肉汁既感觉都几好 (虽然可能考虑到避免散开而令蔬菜饼煎出黎比较硬身)。
3) 黑松露杂菌意大利饭 ($118)：推介! 一上碟就闻到阵阵黑松露香味，而意大利饭煮出黎唔会太淋而食到一粒粒充满黑松露酱汁。意大利饭并唔会因为无肉而变得淡味，反而会因为不同菇类同黑松露既香味令层次感好丰富。
4) 脆炸香草鸡配薯条 ($68)：好味! 上碟既时候我地都以为脆炸鸡会比较干身，但其实只系因为上面洒上香料而令颜色变深，配上蜜糖芥末酱就唔会令你觉得太油腻。
5) 云尼拿芝麻鲜奶 ($38)：有特色! 相信大家听到云尼拿及芝麻，就一定会想像到黑色与白色既融合，但响呢杯特色鲜奶就将你既印象完全改变 - 蓝色既鲜奶饮落去，系阵阵已磨碎既芝麻香味 (咁当然一定唔系平时打边炉既芝麻酱味，而系清新既香味)。所以芝麻其实只系隐藏于蓝色既云尼拿内，呢个外观令小编与朋友们都觉得深刻。
6) 紫薯鲜奶 ($38)：特色! 相对云尼拿芝麻，紫薯就好直接既融入鲜奶内调制，紫薯味道唔算太浓烈，会倾向当成1杯有紫薯香味既鲜奶品尝会比较正确。
7) 冰砖伪鸳鸯 (原味$45)：唔建议。睇到英文介绍会理解为咖啡砖配于朱古力内，但唔知点解饮落去既感觉，会觉得似真系由咖啡冰冲至浓奶茶既感觉，令到整杯饮品变得有点苦涩而单一既味道，可能小编都唔太理解个真正制法而误会吧。
张贴
