影片
更多
2010-02-08
147 浏览
10月30日, 呀比今日又放懒人假! 所以可以黎观塘陪勤力返工嘅我食lunch~ 我一于带佢去我平时食开嘅平民广场食越南野!::: 鸡丝捞檬 + 冻柠茶 ::: $26呢个鸡丝捞檬系我食过其他捞檬之后觉得呢间野最好食嘅! 首先一见到d摆得咁整齐嘅配料就已经要加分~ 除咗主角鸡丝之外, 仲有生菜丝, 酸萝卜丝, 花生, 蒜粒同葱粒, 真系够晒足料! 檬汁呢绝对系佢地自家调制因为次次都唔同味… 但普遍黎讲都算甜酸适中. 最钟意佢d鸡丝够碎! 可以同其他配料一齐同檬粉捞匀~ 啖啖都味道丰富! ::: 越式三宝饭 + 冻奶茶 ::: $26因为都唔知食乜好, 所以叫个三宝就可以食均晒d基本越南料~ 分别有香茅猪扒, 香茅鸡翼同扎肉. 面头都加咗d葱蒜所以闻落好香, 而饭就捞咗豉油, 整体都唔怕干~ 香茅猪扒系最好味, 十分入味, 猪扒都系软熟𠮶只~ 反而鸡翼得一只, 仲要麻麻地, 扎肉都系普通货色, 不过$26连饮品又真系冇乜要求, 都食得过嘅~黎得观广食野, 环境service都唔好有expectation! D枱櫈开晒喺条走廊度, 人来人往, 真系快食快走! 但观乎呢头工厂区嘅越南野都要成
::: 鸡丝捞檬 + 冻柠茶 ::: $26
呢个鸡丝捞檬系我食过其他捞檬之后觉得呢间野最好食嘅! 首先一见到d摆得咁整齐嘅配料就已经要加分~ 除咗主角鸡丝之外, 仲有生菜丝, 酸萝卜丝, 花生, 蒜粒同葱粒, 真系够晒足料! 檬汁呢绝对系佢地自家调制因为次次都唔同味… 但普遍黎讲都算甜酸适中. 最钟意佢d鸡丝够碎! 可以同其他配料一齐同檬粉捞匀~ 啖啖都味道丰富!
::: 越式三宝饭 + 冻奶茶 ::: $26
因为都唔知食乜好, 所以叫个三宝就可以食均晒d基本越南料~ 分别有香茅猪扒, 香茅鸡翼同扎肉. 面头都加咗d葱蒜所以闻落好香, 而饭就捞咗豉油, 整体都唔怕干~ 香茅猪扒系最好味, 十分入味, 猪扒都系软熟𠮶只~ 反而鸡翼得一只, 仲要麻麻地, 扎肉都系普通货色, 不过$26连饮品又真系冇乜要求, 都食得过嘅~
黎得观广食野, 环境service都唔好有expectation! D枱櫈开晒喺条走廊度, 人来人往, 真系快食快走! 但观乎呢头工厂区嘅越南野都要成$40埋单… 睇钱食饭嘅大前提下呢度都不失为一个好选择.
张贴
