Cocoon (已結業)

估唔到呢度有串燒食！❤️燒雞軟骨串落咗孜然粉微香辣，軟骨脆口。嗌左小食：❤️唐揚炸雞外脆內嫩，醬汁甜甜辣辣。❤️日式咖喱吉列豬扒飯吉列豬扒份量多，外脆內裏保留到肉汁唔會乾爭爭。有青紅椒、西蘭花、紅蘿蔔、菇、椰菜、粉嫩薯仔等。咖喱是甜的不辣。❤️秘製日式燒汁豚肉炒麵有椰菜、洋蔥等配菜。炒麵爽口。豚肉落左燒汁甜甜地～😋每份主食送是日沙律及咖啡或茶。是日沙律有烚蛋、青瓜、車厘茄和菜，清新又健康。我同朋友各自嗌左「❤️爆打檸檬梳打」和「❤️蜜桃乳酸沙冰🍧」。❤️爆打檸檬梳打檸檬夠fresh，酸酸甜甜味道剛剛好～朋友飲❤️蜜桃乳酸沙冰🍧，好大杯！😍 沙冰份量高過個杯😱