漁吉海鮮丼專門店 (已結業)

喺觀塘食晏，發現咗呢間專門售賣刺身壽司丼。刺身壽司種類都算多，另外亦有多款丼物選擇今日我就試咗漁吉特選丼三文魚、油甘魚、磯燒鮑魚、海膽、三文魚子、櫻花魷魚、赤蝦、左口魚邊、帆立貝，認真材料十足。海膽非常新鮮，有海膽鮮味；刺身都係好厚切，食落啖啖肉。磯燒鮑魚大大隻，係高質居酒屋嘅級數，彈牙爽口，陣陣磯燒香味。巨型赤蝦有筷子咁長，厚身多肉，肉質食落好彈牙，令人回味。一碗丼就可以試到咁多不同種類嘅海鮮剌身，真係好難得，啱晒鍾意食剌生嘅朋友。外賣嘅價錢食到高質居酒屋嘅刺身質素，認真抵食