Add Some Thai Restaurant

营业中

休息中

临近年尾，老公揾来抵食二人餐既工厦泰菜add some thai ，有沙律有汤有串烧有咖喱有炒菜有甜品都系$388！🍴酸辣凤爪沙律味道浓淡啱啱好，我地两个抢食到最后🍴鲜蚬海鲜冬阴功汤真材实料份量足，大大汤碗每人分到两三小碗🍴串烧8款拣4款今次拣咗鸡肉丶牛肉丶猪肉丶虾饼，啖啖肉，样样都惹味，唔使沾汁都够哂味。🍴酥炸软壳蟹黄咖喱配手抓饼两只蟹大大只，炸得金黄松脆，手抓饼略嫌太薄，唔够索汁，咖哩汁香浓惹味，心思思想食多碗白饭🍴马拉盏炒通菜通菜大大碟炒得爽脆，马拉盏都够香🍴椰汁西米糕其实食到最尾都饱饱地，呢件椰汁西米糕，细细件好香口，一啲都唔滞。🍴泰式明炉青斑其实二人餐已经好够食，不过我哋见到餐牌上面有泰式鱼鲜又忍唔住想食。店员会即场淋汤，青班滑嫩，鱼汤浸住好多配菜肉醉层次感更突出。观塘骆驼漆工厦群都希几间泰国野，add some thai算系我食过比较抵食既一家泰菜 。