啡奴

营业中

休息中

近年观塘嘅cafe越开越多，而佢哋嘅质素亦十分之好(｡･ω･｡) 上星期五终于去左呢间bookmark左一排嘅cafe，本身想试佢哋嘅甜品，点知去到先知原来下午茶时段先有，咁就唯有试佢哋嘅lunch set😕不过佢哋嘅主食都几有惊喜，好高质❗️.🍔烟三文鱼蛋黄酱汉堡呢个汉堡包真系近期食过最大份最足料❗️底层为生菜+番茄+青瓜，口感较为爽口嘅一层~然后就系份量多到满泻嘅蛋沙拉，由于加入蛋黄酱，食落都几腻口，建议两个人一齐分~ 面头舖上几片烟三文鱼，食落更满足😚 伴碟嘅薯角香口惹味，辣味后劲都几强~.🍝咸蛋黄忌廉蟹肉意粉见到个名都觉得好邪恶😂咸蛋黄混入忌廉，酱汁好rich颇腻口，但系就冇咩咸蛋黄味~ 面头舖上蟹肉，份量好足，不过意粉入面好似食到少少蟹壳😣 意粉软硬度适中，酱汁份量刚好唔会太干身~ .🍵抹茶牛奶抹茶粉几香，奶味颇重，可惜茶味唔够香浓，亦无咩回甘味😕整体食物质素不俗，主食比咖啡更出色~