泰興餅店

营业中

休息中

今日黎荃湾，咁啱经过，就去试试。黎到已经见到有人龙，其实我本来想买开心果烧饼，入去舖头问条龙系咪排烧饼，老板只讲左句叫我出去等，我咪出去排队，点知条龙系排热香饼汉堡。既然排左半个钟，唔买就对唔住自己，反正都系，不如买一个黎食，好彩只买一个，否则超级后悔！呢个包真系伏到爆，图片同现实不符我预左，但个味道真系伏到爆炸！个热香饼系全熟，又干又硬，M记好食过佢不知几多倍！媒体同网民吹到咁好食，会唔会系咁呀？啲广告吹得太厉害。我仲买左开心果挞同开心果烧饼，每样都系$10。开心果挞，都系言过其实，唔系我想像中咁好食，只系一件好普通嘅牛奶布甸蛋挞上面有啲开心果碎同下底好少量嘅开心果酱，完全冇咩特别冇惊喜，系件烧饼我系觉得OK，但都系好普通。呢间饼店不可再，其实只系俾人吹到捧上天咁，实际真系冇咩特别，多人买嘅都唔系佢啲传统面包，只系黎买佢嘅新式野，但真心唔系好好食好特别，尤其系个热香饼汉堡，虽然只系$15，但一啲都唔值得去排队买。