影片
更多
2023-07-31
2316 浏览
第一次来呢间餐厅食嘢，职员落错单要我哋硬食，报警处理，永世唔会再来。落order嘅时候，首先手上揸住个set Menu拣咗嘢食之后，换咗一张散叫嘅Menu加多左个Pizza，最后买单嘅时候啲职员话我哋系散叫，张单多咗差唔多$200，同个职员了解情况嘅时候，职员态度极差，之后经理甚至出嚟闹我哋：👨🏼（eng): 你哋识嘅前菜份量大咗，你哋一定知道，你哋肯定来过！ （劲大声闹我哋）我： 第一次嚟呢间餐厅又点知道你啲份量系大咗？同埋我好明确系叫咗一个set，之后先加一个Pizza！👨🏼：我啲员工一定唔会出错，你睇都睇到你隔篱枱个前菜冇咁大，你点会睇唔到！同埋你睇到我啲员工攞住啲上菜俾人，有乜可能睇唔到！我： 首先我隔篱枱食紧意粉，另外一边枱食完，再远啲食紧主菜，完全睇唔到，同埋我系第一次来，仲要系你呢间餐厅最后嘅客人，点会知道你哋嘅份量！👨🏼：你哋个个都话第一次嚟㗎！你个Pizza呢？去咗边呀！我： 食咗啰，啲嘢都食晒，你哋收走咗，唔使讲咁多报警！同埋我要睇CCTV👨🏼：我当然会报警，CCTV老细喺度我自然会睇！我：点解唔而家睇？唔系我俾咩钱？👨🏼：比呢张啰！ （张错单）全程爆闹我哋，后来警
落order嘅时候，首先手上揸住个set Menu拣咗嘢食之后，换咗一张散叫嘅Menu加多左个Pizza，最后买单嘅时候啲职员话我哋系散叫，张单多咗差唔多$200，同个职员了解情况嘅时候，职员态度极差，之后经理甚至出嚟闹我哋：
👨🏼（eng): 你哋识嘅前菜份量大咗，你哋一定知道，你哋肯定来过！ （劲大声闹我哋）
我： 第一次嚟呢间餐厅又点知道你啲份量系大咗？同埋我好明确系叫咗一个set，之后先加一个Pizza！
👨🏼：我啲员工一定唔会出错，你睇都睇到你隔篱枱个前菜冇咁大，你点会睇唔到！同埋你睇到我啲员工攞住啲上菜俾人，有乜可能睇唔到！
我： 首先我隔篱枱食紧意粉，另外一边枱食完，再远啲食紧主菜，完全睇唔到，同埋我系第一次来，仲要系你呢间餐厅最后嘅客人，点会知道你哋嘅份量！
👨🏼：你哋个个都话第一次嚟㗎！你个Pizza呢？去咗边呀！
我： 食咗啰，啲嘢都食晒，你哋收走咗，唔使讲咁多报警！同埋我要睇CCTV
👨🏼：我当然会报警，CCTV老细喺度我自然会睇！
我：点解唔而家睇？唔系我俾咩钱？
👨🏼：比呢张啰！ （张错单）
全程爆闹我哋，后来警察嚟到了解咗事情，10分钟左右，个鬼佬经理笑口细细咁入嚟道歉，话咩 I never knew, 落单个员工系part-time，帮我哋解决返个价钱同上返个甜品🙄
其实真心呢间嘢啲嘢食真系唔差，但啲员工真系差到落地狱，一开始上汤唔俾匙羹，等咗一轮，牛扒又唔俾刀，叫杯水叫咗四次都冇，呢啲小事都算。 仲喺度睇其他人评价话咩会计错钱，喺度笑咗一笑。点知发生系我哋身上，仲要坐到离晒大谱！
仲有，我哋叫𠮶个牛扒系龙虾+牛扒，来到得只虾仔，要我哋问先话龙虾卖晒。
讲返张单，首先有乜理由以散叫嘅方式跟住个set Menu嚟叫？即系去McDonald‘s叫餐，薯条，汉堡包，嘢饮，全部分开落单有冇可能？其次龙虾牛扒呢个组合只有set Menu先有，如果散叫只有牛扒，但系佢哋比我嘅系龙虾牛扒。成件事就系唔合理，仲要俾人暴_，发生咩事？
呢一世都唔会再去，去嘅人请小心啲，感谢阅读。
张贴